AMN-TL Ezije ME Aselera Implementasaun Uniforme Eskola Featured

By Cesarina de Carvalho Janeiru 31, 2024 1244
EStudante 04 Setembru UNAMET, Balide, Dili. Foto:Dok/INDEPENDENTE. EStudante 04 Setembru UNAMET, Balide, Dili. Foto:Dok/INDEPENDENTE.

DILI: Asosiasaun Manorin Na’in Timor-Leste (AMNTL), husu ba Ministériu Edukasaun (ME) atu aselera impelementasaun farad uniforme ba estudante sira iha teritóriu Timór laran tomak.

Sekretáriu Jerál AMN-TL, Arlindo Fátima da Costa Freitas, ezije hodi aselera implementasaun uniforme eskolár iha teritóriu, tanba konsidera estudante sira-nia vestuáriu agora dadaun kontribui ba dezordem funsionamentu ensinu aprendizajem.

"Liu husi meius ida ne'e, AMN-TL eziji ba Ministra Edukasaun no Sekretáriu Estadu atu aselera implementasaun uniforme ba kada eskola sira, ne'ebé ministra deklara ona ba públiku katak, uniforme eskola nia ne'e edukasaun maka sei responsabliza, tanba atual iha eskola alunu sira nia vistuáriu kontribui ba dezordem étika ne'ebe afeita ba funsionamentu ensino aprendizajem," Dehan Arlindo Fátima liuhusi konferensia imprensa Jardin 5 de Maio iha Colmera, Tersa(30/01)

AMN-TL mós husu ME no Sekretáriu Estadu atu implementa no realiza pagamentu retroativu ba mudansa progresaun no eskalaun ba profesór permanente ne'ebe konzela durante tinan Walu nia laran (8 anos), ne'ebé prévistu, iha  Dekretu Lei (DL) nº 31/2023, de 31 de Maiu, kona-ba pimeira alterasaun ao Decretu Lei N° 23/2010, 9 de Dezembru, estatutu kareira dos Educadores de Infância e dos Professores do Ensino Básiku e Sekundário, husi kategoria profesionál grau B ba kategoria rofesionál grau A, iha tabela salariál anexu I husi Dekretu Lei refere.

"Tanba Direitu ida ne'e, pakote ho pagamentu ba transporte ne'ebé ministériu edukasaun realiza ona iha fulan Dezembru, enkuantu pagamentu ba progresaun no eskalaun ME sei suspende sem justifikasaun ba manorin na'in sira hotu nú'udar benefisiarius," nia kestiona.

Iha loron 12 fulan Janeiru tinan 2024, Ministra Edukasaun (ME), Dulce de Jesus hatete, eskola públika iha teritoriu tomak labele suku farda ba alunu sira tanba ME mak sei prepara modelu motif hodi suku saia, kalsa no kamiza ho folin ne'ebe bele ajuda inan aman sira

" Uniforme ba eskola públiku sira ne’e ita sei deside bazeia ba ba kores ho hena sira ne’ebé ita bele fásil hetan ho folin ne’ebé bele ajuda inan-aman sira, no estudante sira ne’e sei uza kamiza kor mutin ho folin ne'ebé baratu," deklara Ministra Dulce iha Lecidere.

Nia akresenta, Ministériu Edukasaun mak sei prepara farda nia amostra iha kada escola sira, inklui alfaiate nune'e bele fasilita inan-aman, suku bazeia ba modelu ba kada estudante sira.

Nia husu ba eskola hotu atu kontinua hein desizaun ba suku farda foun maibé nia solisita ba eskola sira bele uza lai uniforme ne'ebe iha ona ba estudante tuan sira no ba foun bele uza farda metan ko mutin hodi hein farda foun ne'ebe sei mai iha tempu besik.

Rate this item
(0 votes)
Last modified on Kinta, 01 Fevereiru 2024 15:27

Independente Digital TV