Tuir komunikadu ne’ebé Online INDEPENDENTE asesu kinta (18/06) katak Serimónia resepsaun ne’e hodi fó onra bá partisipante sira Simeira Rúsia-ASEAN 2026 nian ne’ebé sei hala’o iha Kazan, Rusia durante loron tolu hahú hosi 17 to’o 19 Juñu 2026.

Prezidente Rúsia, Vladimir Putin iha nia diskursu espera líder sira ASEAN nian sei aproveita ospitalidade hosi Povu Rusia nian.

“Ha’u hakarak simu dala ida tan imi iha Rusia. Ita hasoru malu iha Kazan, sidade furak no antigun ida ne’ebé reflete diversidade kulturál no relijioza ita nia rain nian, ninia patrimóniu istoriku no spiritual ne’ebé riku, no iha tempu hanesan, ida ne’e mak sidade boot ida ne’ebé modern, dinámiku no haree ba liur. Hau fiar katak ita boot sei espriénsia ospitalidade no laran mana junuinu husi  pobu Rusu no iha oportunidade atu aprende kona-ba sira nia tradisaun ne’ebé riku tebes,”  Vladimir Putin hateten.

Simeira ne’e hala'o hanesan parte ida hosi selebrasaun sira ne'ebé marka aniversáriu bá dala-35 hosi relasaun sira entre Rúsia ho Asosiasaun Nasaun sira Sudeste Aziátiku nian.

Ida-ne'e halibur ona líder sira, xefe governu sira, polítiku sira aas liu no ofisiál Governu nian sira hosi Estadu membru ASEAN 11.

Kompozisaun distintu hosi partisipante sira hatudu ho klaru kompromisu fahe hosi Rúsia no nasaun sira hosi Sudeste Aziátiku nian hodi hametin parseria, hasa'e bá nível foun ida, no habelar liu-tán kooperasaun ne'ebé fó benefísiu bá malu iha polítika no seguransa, ekonomia, komérsiu, investimentu, no interkámbiu kulturál no umanitáriu sira.

Partisipasaun líder sira ASEAN nian iha Rúsia-ASEAN Summit 2026 mak hanesan Brunei Darusalam, Kamboja, Indonézia, Laos, Malázia, Myanmar, Filipina, Singapura, Tailándia, Timór-Leste no Vietname.