Promove Bafo Kayrala, SEKooP Loke Feira Nasionál Featured

By Januário Assunção Dezembru 19, 2023 828
Komisaun Organizador hala'o preparasaun ba feira nasional neebe sei realiza iha loron 20-22 fulan-dezembru 2023, iha Portu Dili. Foto:Media SEKoop. Komisaun Organizador hala'o preparasaun ba feira nasional neebe sei realiza iha loron 20-22 fulan-dezembru 2023, iha Portu Dili. Foto:Media SEKoop.

DILI: Hahú aban, Sekretariu Estadu Kooperativa (SEKooP) loke feira nasionál hoid promove produtu lokál Bafo Kayrala. Feira ne’e sei loke durante loron tolu hahú husi 20-22 Dezembru 2023, feira ne’e hala’o iha aredor Portu Dili.

SEKooP, Arsenio Pereira hatete, objetivu husi feira nasional ne’e atu oinsa bele promove mos produtu lokal Bafo Kayrala ba komunidade sira.

"Objetivu husi feira ne'e maka hodi promove produtusu Kooperativa nian, liu-liu produtu final husi Bafo Kayrala, lansamentu ne'e halo hodi selebra atividade loron 120 nian,"dehan Arsenio ba Jornalista INDEPENDENTE iha nia knaar fatin, Acait (18/12).

Nia haktuir, antes ne’e ekipa halo hela preparasaun lubuk ida hamutuk ho funsionariu sira hodi monta tenda, nune’e komunidade ne'ebe uza ona Bafo Kayrala transforma ba aihan bele mai promove iha feira ne’e.

Orsamentu ne'ebe SEKooP prepara ba feira nasional hamutuk Rihun $50, tanba sei fahe ba atividade mobilizasaun ekipamentu ne'ebe uza durante loron tolu, inklui mos fasilita kliente sira husi Munisipiu mai partisipa feira.

Enkuantu membru Kooperativa sira ne'ebe sei partisipa hamutuk 32 no Empreza Mediu Pekena sira ho total 47, inklui parseiru balun.

Rate this item
(1 Vote)
Last modified on Tersa, 19 Dezembru 2023 09:50

Independente Digital TV