Governu Austrália ho PR Diskute Kooperasaun Estratéjiku Hodi Dezenvolve Ekonomia TL Featured

By Cristina Ximenes Dezembru 19, 2023 93
Sorumtu entre enkarregádu Negósiu Embaixada Austrália, Caitlin Wilson ho Prezidente Repúblika (PR), José Ramos Horta diskute kona-ba kooperasaun estratéjiku oinsá bele tulun dezenvolvimentu ekonómiku iha Timor Leste. Foto:Media PR. Sorumtu entre enkarregádu Negósiu Embaixada Austrália, Caitlin Wilson ho Prezidente Repúblika (PR), José Ramos Horta diskute kona-ba kooperasaun estratéjiku oinsá bele tulun dezenvolvimentu ekonómiku iha Timor Leste. Foto:Media PR.

DILI: Sorumtu entre enkarregádu Negósiu Embaixada Austrália, Caitlin Wilson ho Prezidente Repúblika (PR), José Ramos Horta diskute kona-ba kooperasaun estratéjiku oinsá bele tulun dezenvolvimentu ekonómiku iha Timor Leste.

Enkarregádu Negósiu Embaixada Austrália, Caitlin Wilson dehan, ko'alia kona-bá área defeza nian, ohin deskute mós ho Xefe Estadu kona-bá kooperasaun estratéjiku sira ne’ebé bele tulun dezenvolvimentu ekonómiku iha Timor Leste nune'e hasa'e kresimentu populasaun nian liuhusi kooperasaun iha seitór agrikultura no turizmu.

Nia haktuir, Australia ho Timor-Leste kompromete atu kontinua hametin kooperasaun, tanba ne'e mak parte rua (2) presiza halo akordu kooperasaun defeza nian.

"Ami diskute kona-ba akordu kooperasaun defeza nian no mós ko’alia liu kona-ba prioridade dezenvolvimentu nian importante sira no haree ba eventu boot sira iha tinan oin mai ne’ebé Austrália bele suporta ka apoia. Ami kontente tebes mai hasoru malu ho Prezidente Repúblika Timor-Leste José Ramos-Horta hodi deskute no hametin kooperasaun bilaterál ne’ebé país rua iha," informa Enkarregádu Negósiu Embaixada Austrália, Caitlin Wilson ba jornalista sira hafoin remata enkontru ho Xefe Estadu iha Palasiu Prezidensia Bairu-Pite, (18/12).

Entretantu, enkontru entre Prezidente Repúblika, José Ramos Horta ho Enkarregádu Negósiu Embaixada Austrália, Caitlin Wilson akompaña mós husi atase defeza Austrália nian, hodi kontinua ko’alia klean liu bá kooperasaun iha area defeza.

Rate this item
(0 votes)
Last modified on Kuarta, 27 Dezembru 2023 10:58

Independente Digital TV