PR Presta Omenajén ba Saudozu Dom Basílio do Nascimentu

Abril 29, 2024

PR Presta Omenajén ba Saudozu Dom Basílio do Nascimentu

By Komunikadu imprensa Outubru 31, 2021 336

Prezidente Repúblika, Francisco Guterres Lú Olo ho nia Espoza Cidália Nobre Guterres, domingo ne’e, presta omenajén ba saudozu Reverendíssimu Bispu Basílio do Nascimento, iha igreja katedral. Foto:Media PR.

DILI: Prezidente Repúblika, Francisco Guterres Lú Olo ho nia Espoza Cidália Nobre Guterres, domingo ne’e, presta omenajén ba saudozu Reverendíssimu Bispu Basílio do Nascimento, iha igreja katedral.

"Ha'u mai presta omenajén ho sentimentu ida que triste tebes-tebes, tanba ita hotu lakon ita-nia lidér boot ida iha igreja katólika no lidér ida iha ita-nia sosiedade tomak."

"Ha'u nia sentimentu mak ne'e, ita lakon lidér boot igreja katólika nian, nomós iha ita-nia sosiedade no ita-nia komunidade tomak. lidér boot ida ne'ebé durante ne'e, sempre neon na'in nafatin ba nia povu, liu husi luta naruk ida ne'ebé nia mós partisipa no sai bibi atan diak iha sarani Timor-Leste,”dehan nia iha komunikadu ne’ebé Online INDEPENDENTE asesu, domingo ne’e (31/10).

Enkuatu, akompaña PR iha serimónia presta omenajén ne’e, husi Xefe Kaza Sivil, Militar no mós funsionáriu sira.

Entretantu, Dom Basílio do Nascimento, hakotu-iis ho tinan 71, iha Óspital Nasionál Guido Valadares (HNGV) iha tuku 11:45 Otl, tanba hetan moras kardiaku, hafoin atakasaun iha Covalima.

Asistente Editor: Saturnina da Costa

Rate this item

(0 votes)