Sexta, 17 Setembru 2021 | Login
×

Erro

An error occured during data fetch from google.com: Error calling GET https://www.googleapis.com/analytics/v3/data/ga?ids=ga%3A138150919&start-date=2017-01-15&end-date=2021-09-15&metrics=ga%3Avisits&dimensions=ga%3Ayear&start-index=1&max-results=1000: (403) Quota exceeded for quota metric 'Queries' and limit 'Queries per day' of service 'analytics.googleapis.com' for consumer 'project_number:402577812915'.
Prezidente Repúblika, Francisco Guterres Lú Olo Prezidente Repúblika, Francisco Guterres Lú Olo

PR Lú Olo Dekreta Estadu EE Ba Dala-12, Suspende Direitu Sidadaun Balun Featured

DILI: Prezidente Repúblika, Francisco Guterres Lú Olo, iha 31 marsu 2021, dekreta estadu emerjénsia dasanuluk-resin-rua ba loron loron tolu-nulu (30), hahú husi tuku 00.00 iha  3 abril 2021 no termina iha tuku 23.59 iha 2 maiu 2021, iha territóriu nasionál tomak.

Liuhusi komunikadu imprensa Palásiu Prezidénsial Nicolau Lobato, kinta ohin hatete, Xefe Estadu dekreta Estadu Emerjénsia hafoin pedidu estensaun aprova iha Parlamentu Nasionál, kuarta horsehik (31/3), ho votus-a favor 49, kontra 0 no abstensoins 14.

Molok ne’e, iha 29 marsu, Prezidente Repúblika rona uluk Konsellu Superior Defeza no Seguransa no Konsellu Estadu molok haruka pedidu autorizasaun ba Parlamentu Nasionál hodi deklara estensaun estadu emerjénsia ba dasanuluk-resin-rua.

Governu hato’o pedidu estensaun ba estadu emerjénsia ba Prezidente Repúblika tanba haree númeru kazu rejistadu ho Covid -19 iha Timor-Leste aumenta husi loron ida ba loron seluk.

Tuir dadus husi Organizasan Mundiál Saúde (OMS), iha 23 marsu 2021, infesaun SARs-Cov-2 mundialmente rejista kazu konfirmadu hamutuk 123 216 178 (sentu i vinte i tres milions duzentus i dezasseis mil sentu i sententa i oito) no hamate ema hamutuk 2 714 517 (dois miloins setesentas i catorze mil i kiñetas i dizassete) no hamate ema hamutuk 2 714 517 (dois miloins setesentas I catorze mil i kiñetas i dizassete) tanba Covid-19. Iha Indonézia,  rejista kazu  infesaun SARs-CoV-2 hamutuk  1 465 928 (um millaun  kuatrusentus i sessenta i sinku  mil setesentas e onze) no hamate ona 39 711 (trinta i nove mil setesentas i onze). Iha provinsia Nusa Tenggara Timur  kazu konfirmadu hamutuk 12 012 no hamate ema na’in-327.

Dekretu Prezidente Repúblika, hanesan mós sira seluk,  sei hasai parsialmente to’o agora, hodi deklara estadu emerjénsia, fó kbiit ba Governu bele foti medidas hodi suspende direitu konstitusionál balun sidadaun sira-nian, inklui ba sirkulasaun internasional, sirkulasaun iha rai-laran, direitu ba reuniaun no manifestasaun, direitu ba kultu, direitu ba edukasaun, direitu ba propriedade no inisiativa ekonómika privada no direitu rezisténsia.

Medida sira ne’e foti nu’udar medidas prevensaun no kombate moras covid-19 atu labele hadaet husi ema ida ba ema seluk.

Governu impoin serka sanitaria no konfinamentu domisiliariu iha munisípiu Díli, Baucau no Viqueque nu’udar medidas atu hapara virus hadaet babeibeik husi ema ida ba ema seluk.

Prezidente Repúblika liuhusi Dekretu Prezidensiál husu Forsas Armadas Defeza Timor-Leste apoia Polísia Nasionál Timor-Leste no Departamentu Governamentál ne’ebé responsável ba saúde públika ba atividade nesesária ba fiskalizasaun no ezekusaun estadu emerjénsia.

Governu liuhusi reuniaun Konsellu Ministru, kinta ohin (1/4), sei define medidas implementasaun ba estadu emerjénsia ba dala-12 ne’e.

Husi fulan marsu 2020, bainhira rejista kazu pozitivu ida ho Covid-19, Timor-Leste implementa kedas estadu emerjénsia. Implementasaun estadu emerjénsia ho medida oioin, hanesan medida preventiva no kontrolu covid-19 labele daet ba populasaun mak permite ita seidauk iha transmisaun komunitária.

Iha loron 31 marsu 2021, Timor-Leste rejista kazu pozitivu na’in-415. Desde marsu 2020 to’o horseik, ema na’in-hamutuk 604 hetan infesaun husi SARs-CoV-2, sira seluk rekuperadu no seidauk rejista ema mate. 

Governu mós aprova ona medida apoiu rekuperasaun ekonomika ba povu tomak, liliu ba estudante sira, traballadór, vendedór, instituisaun privada sira, ne’ebé hetan afeitasaun husi implementasaun serka sanitária ne’e.

Tanba ne’e, Sentru Integradu Jestaun Krize (SIJK) kontinua apela ba povu iha teritóriu nasionál atu hakmatek hodi kumpri regra sira hodi hakotu ona transmisaun lokal husi moras Covid-19 iha Timor-Leste.

Read 1593 times
Rate this item
(0 votes)