Segunda, 25 Outubru 2021 | Login
Oxsijene iha fatin izolamentu Dili. Oxsijene iha fatin izolamentu Dili.

Pasiente Covid-19 Na’in Ida Gravé Featured

DILI:Pasiente konfirmadu Covid-19, na’in ida iha sala izolamentu Vera Cruz hetan gravé.

Tuir Kordenador Forsa-Tarefa ba Prevensaun no Mitigasaun Surtu Covid-19 Timor-Leste, Dr. Rui Maria de Araújo, hatete ohin (31/3) madrugada iha fatin izolamentu Vera Cruz simu tan kazu detetadu Covid-19 na’in ida ho sintomátiku grave.

“Kazu ne’e,señora ida ho idade tinan 69, iha istoria diabete ho obesidade nia hahu isin-manas no is-bo’ot semana 1 ona,”dehan nia liu husi zoom iha CCD, (31/03).

Nune’e, pasiente halo hela tratamentu ba infesaun seluk ne’ebé mós afeta ninia pulmaun no pasiente agora dadauk uza hela oxsijene ka “high flow oxigen’’.

Aliende ne’e iha mós kazu detetadu na’in 3 ne’ebé sintomátiku moderadu, oras ne’e dadaun iha mós fatin izolamentu Vera Cruz no sira na’in 3 nia kondisaun estável.

SIJK nafatin apela ba komunidade iha fatin ne’ebé maluk sira rekuperadu sira hela bá, favor labele tauk, tamba sira ne’ebé sai husi fatin izolamentu, ekipa saúde sira sertifika ona katak sira la iha ona risku atu hada’et-tutan virus ba ema seluk.

Apela mós ba populasaun Timor-Leste tomak, liu-liu iha Munisipiu Dili, Baucau ho Vikeke atu nafatin hakmatek, lalika sé tilun ba lia-anin ka rumores, pratíka nafatin medida sira ne’ebé ita hotu hatene ona, uza mascara, fase liman beibeik ho sabaun ka dezinfetante ruma, evita kose liman ba matan, inus ho ibun, bainhira kumprimenta malu, lapresiza ka’er liman, bensa-liman, rei-malu ka haku’ak malu, evita halibur malu barak no hamriik ka tur dook husi ema seluk, mínimu metru ida ho balun.

 

Jornalista: Saturnina da Costa

Editor:Jose Sarito Amaral

 

Read 496 times
Rate this item
(0 votes)