PR Apoia Nesesidade Bazika ba Konventu São Paulo Novitiate Railaco Featured

By Ekipa INDEPENDENTE Dezembru 19, 2023 916
Prezidénsia Repúblika, liu husi Servisu Sosiedade Sivíl, iha domingu foin lalais, (17/12/23), entrega nesessidade bázika ba Konventu São Paulo Novitiate, Railaco, Munisípiu Ermera. Foto:Media PR. Prezidénsia Repúblika, liu husi Servisu Sosiedade Sivíl, iha domingu foin lalais, (17/12/23), entrega nesessidade bázika ba Konventu São Paulo Novitiate, Railaco, Munisípiu Ermera. Foto:Media PR.

DILI: Prezidénsia Repúblika, liu husi Servisu Sosiedade Sivíl, iha domingu foin lalais, (17/12/23), entrega nesessidade bázika ba Konventu São Paulo Novitiate, Railaco, Munisípiu Ermera.

Tuir komunikadu ne’ebé Online INDEPENDENTE asesu iha Pajina Prezidensia Repúblika hatete, bainhira entrega apoiu iha konventu ne’ebé halibur estudante-feto hamutuk 40 ne’e, Asesór Servisu Sosiedade Sívil, Quintiliano Moniz, hateten, apoiu ida ne’e hanesan prezenti natal nian husi Prezidénsia Repúblika ba alin-feto sira iha konventu São Paulo Novitiate Railaco, hodi selebra Loron-Natál ho Tinan Foun.

Hafoin simu tiha apoiu hirak ne’e, reprezentante estudante iha fatin ne’e, hato’o agradesimentu ba Prezidente Repúblika, José Ramos-Horta, ne’ebé la haluha sira iha epóka natalísia ne’e.

Ho apoiu hirak ne’e, nia konsidera, hakmaan ona estudante sira ne’ebé hela iha konventu ne’e no espera apoiu hanesan, sira sei hetan nafatin bainhira iha futuru, sira hasoru susar ruma.

Nesesidade bázika sira ne’ebé Servisu Sosiedade Sivil entrega iha okaziaun ne’e mak hanesan fós, mina, material sira dapur nian, roupa no seluktan.

Rate this item
(0 votes)

Independente Digital TV