2023, Pasiente fase raan na’in 26 lakon vida Featured

By Adelaide dos Santos Dezembru 19, 2023 1082
Pasiente fase raan. Foto:Google. Pasiente fase raan. Foto:Google.

DILI: Tuir dadus husi Hospital Nasionál Guido Valadares, iha tinan 2023 ne’e, pasiente ne’ebé fase raan na’in 26 mak lakon vida.

Médiku espesialista Nefrologia, HNGV, Gustavo do Rosario da Cruz hatete, pasiente sira ne’ebé mak mate ne'e maioria pasiente sira mai ho kazu avansadu, ne'ebé labele salva sira-nia vida, tanba sira mai ho moras komplikadu, depois balun mai sira husu fila ba uma, depois mai fali ospital ho komplikasaun neebé aas, entaun labele salva sira-nia vida.

“Hahu husi janeiru to'o mai ohin loron pasiente ne'ebé mak lakon vida iha 26, husi numeru ne'e  rekolla tuir estatistika maibé pasiente balun labele rekolla tanba sira mate iha uma," dehan Nia iha HNGV, Segunda (18/12).

Nia hatutan, pasiente sira ne'ebé mak fase ran hela, maibe sira husu alta pedidu hodi fila ba uma ne'e hamutuk 10, no pasiente sira ne'ebé mak agora daudaun fase ran ne'e maioria ho idade 40 ba leten husi pasiente feto no mane.

Husu aumenta makina fase raan

Médiku Espesialista Neofrolojia iha HNGV, Gustavo do Rosario da Cruz hatete, Agora dadaun makina fase ran la sufisiente hodi halo atendementu ba pasiente infeksaun sira.

“Makina ne'ebé mak fase ran ba pasiente infesaun sira iha HNGV, ita-nia makina ida deit, tanba ne’e ita husu ba governu atu nune'e bele aumenta tan hodi  bele uza  halo tratamentu ba pasiente sira ho moras infesaun," dehan Nia iha HNGV, Segunda (18/12).

Nia dehan,  HNGV iha makina Jeral maibe , hodi uza ba fase ran hamutuk 13, ida-nee sufisiente hela. Entaun durante nee pasiente ne'ebé mak fase ran rutina iha HNGV hamutuk 103 pasiente.

“Total pasiente ne'ebé mak agora daudaun halo tratamentu fase ran iha HNGV hamutuk 103, husi numeru ne'e, iha pasiente foun ne'ebé mak ita rekolla hodi halo tratamentu fase ran hahu husi janeiru to'o agora hamutuk 72 pasiente," nia relata.

Ho Ida ne'e, Bainhira governu la tau atensaun ba Ida ne'e sei fo impaktu ba pasiente sira, tanba makina fase ran ba pasiente infeksaun sira Ida deit, ho Ida ne'e oinsa Mak atu rezolve ba pasiente Sira karik loron ida numeru pasiente infeksaun to'o 10 ba leten.

Rate this item
(0 votes)

Independente Digital TV