Segunda, 27 Setembru 2021 | Login
PPN sesante Arao Noe de Jesus PPN sesante Arao Noe de Jesus

PPN Foun: Arão Sei Hatoo Keixa Ba Tribunál Rekursu Featured

DILI: Prezidente Parlamentu Nasionál atual, Arão de Jeus Amaral konsidera eleisaun meja Parlamentu Nasionál foun laiha lejitimidade.

“Tuir rejimentu Parlamentu laiha rejitimidade ba prosesu eleisaun ida ohin ninian. maioria sim, mais tuir prosedimentu legal ne’ebé iha, atu nune’e prosesu legal mak determina prosesu ida maioria ka minoria, tanba kontajen ne’e iha públiku ema hotu-hotu hare’e no akompaña,”dehan nia, iha Parlamentu Nasionál, Tersa ohin (19/05).

Tanba hanesan Prezidente Parlametu Nasionál la hatene ba prosesu eleisaun ne’ebé Vise-Parlamentu Nasionál dirije iha plenaria.

“Ha’u sei buka rekore ba Tribunál Rekursu buka lialos ba ida ne’e mak foin hatene loloos, se prosesu ne’e legal no loos ha’u sei kumpri. Ha’u nia knaar sei halo. Tanba seidauk ofisialija rona no hodi hein Tribunál Rekursu nia desizaun,”dehan nia.

PPN atual ne’e mós sei buka meius atu enkamina kedas rekursu ba Tribunál Rekursu hodi hatene lialos, laos hakarak atu defenda aan atu Prezidente Parlamentu Nasionál nafatin.

Nia hateten, eleisaun meza Parlamentu Nasionál ohin, Prezidente Parlamentu laiha koñesimentu, tanba laiha ajenda ida aprova husi lider bankada hodi halo plenaria ida.

“Ha’u nia despaixu sei hato’o katak ohin laiha plenaria, tanba laiha ajenda, mais agora ajenda iha ne’e vise-PN na’in rua mak lori ba meza hodi halo votasaun no rezultadu, mais la anunsiu sai kandidatu mós laiha no kontajen votus mós la prejensa tekniku sira husi Parlamentu Nasionál,”nia informa.

Normalmentu durante funsiona desde primeiru lejislatura mai to’o agora eleisaun Prezidente no meza Parlamentu Nasionál sempre abertu no nakloke.

Read 2478 times Last modified on Tersa, 19 Maiu 2020 17:32
Rate this item
(0 votes)