Nunee nia husu atu labele kestiona kona-ba lejitimidade Presidente Parlamentu Nasionál foun, tanba rezultadu 40 votus maioria maka hili nia hodi subtitui Presidente Parlamentu Nasionál atual Arão Noe de Jesus Amaral.

“Prezidente eleitu iha tiha ona liu husi votasaun, sim konforme votu ha’u mak prezidente agora,”dehan nia, iha Parlamentu Nasionál, tersa ohin (18/05).

Nia dehan, Prezidente Parlamentu Nasionál sesante la aseita no konsidera illegal ne’e buat seluk no prosesu ketak ida.

Tanba tuir nia katak, laiha aktu asaltu poder, maibé ne’e prosesu demokratiku mak nune’e katak minoria tenki submete ba maioria.

“Prezidente Parlamentu atu rua ka tolu, ha’u lejitimidade liu, tanba 40  votus, se nia hela ho 23 votus nia sei iha lejitimidade atu sai Prezidente Parlamentu,”dehan nia.

“Kinta agora ha’u sei konvoka  konferensia lider bankada, semana oin mai ha’u mak sei lidera plenaria.Tanba fulan ida ona laiha konferensia lider bankada halo parlamentu nasionál paralizadu,”dehan nia.