Kinta, 22 Abril 2021 | Login
×

Erro

An error occured during data fetch from google.com: Error calling GET https://www.googleapis.com/analytics/v3/data/ga?ids=ga%3A138150919&start-date=2017-01-15&end-date=2021-04-21&metrics=ga%3Avisits&dimensions=ga%3Ayear&start-index=1&max-results=1000: (403) Quota exceeded for quota metric 'Queries' and limit 'Queries per day' of service 'analytics.googleapis.com' for consumer 'project_number:402577812915'.
Mapa Raikotu, Tasitolu. Mapa Raikotu, Tasitolu.

Positivu Covid-19 Na’in 2, Aldeia Terra Santa Tasitolu Blokeadu Featured

DILI:Hafoin ekipa prevensaun mitigasaun Covid-19 deteta ema na’in rua konfirmadu positivu Covid-19, aldeia Terra Santa, BTN 2 Tasitolu Dili blokeadu.

Kordenador Forsa Tarefa ba Prevensaun no Mitigasaun Surtu Covid-19 Dr. Rui Maria de Araujo informa katak Sala Situasaun Integradu Jestaun Krize (SIJK) konrdena ona ho autoridade seguransa atu temporariamente blokea aldeia Terra Santa no imediata atu garante komunidade nafatin iha uma.

“Ohin sala situasaun integradu jestaun krize konrdena ona ho autoridade seguransa atu temporariamente blokea aldeia terra santa no imediata atu garante komunidade nafatin iha uma,” dehan Dr. Rui iha sala SIJK, CCD Dili, Ohin.

Tanba ne’e, aban segunda-feira, SIJK sei hatoo proposta konkreta ba Konsellu Ministru atu bele toma desizaun kona-ba medidas ba Munisipiu Dili.

Nia hatete, molok iha desizaun ruma husi Konsellu Ministru, sei kontinua aplika serka sanitaria ou konfinamentu.

Dr. Rui mós apela ba komunidade sira iha Dili laran, hahu aban segunda-feira (8/3), dadersan sei laiha atividade movimentasaun.

Relasiona ho ema na’in rua ne’ebé positivu ne’e liu husi prosesu teste masal husi ekipa prevensaun mitigasaun Covid-19.

Entre ema na’in 289 ne’ebé halo teste masal no foti sira nia amostra, deteta na’in rua mak konfirmadu positivu.

“Husi restreu ba kontatu ne’ebé ita halo iha bairo BTN 2, Tasitolu na’in rua mak hetan positivu ohin lorokraik, husi 289 ne’ebé ita halo amostra,”dehan Dr. Rui.

Ekipa prevensaun mitigasaun Covid-19 sei kontinua buka tuir ema ne’ebé halo kontaktu direita ho ema na’in rua ne’ebé positivu.

Kapital Dili hahu afeitadu hafoin deteta konfirmadu positivu iha Munisipiu Covalima no daet ba too iha Munisipiu Baukau.

Tuir dadus  kazu foun hamutuk na'in tolu, na'in rua husi Dili ne'ebe relata ohin kalan no na'in ida husi Covalima relata horseik lokraik. Nune'e pasiente moras Covid-19 hamutuk 28, ne’ebé sei iha sala izolamentu Vera Crus Dili.

Read 247 times Last modified on Domingu, 07 Marsu 2021 23:07
Rate this item
(0 votes)