Nia haktuir, ministeriu implementador sira hahú aprezenta fali ona loron ba implementasaun sesta bázika faze daruak nian no posibel sei realiza iha semana oin, tanba antes ne’e akontese faillansu husi tekniku.

" Sira ( MTKI ho SEKOOP ) aprezenta fali kalendáriu foun ba loron implementasaun nian no posibel hahú loron 17 ba leten, tanba sira iha difikuldade asuntu tekniku, ne’e duni kompaña selesionadu tenke hatama fali penawaran (kotasaun) tanba ne'e mak lori tempu oituan mais ita hein katak bele rezolve lalais tuir kalendáriu ne'ebé estabelese ona," informa Joaquim Amarál ba jornalista INDEPENDENTE iha Palasiu Governu, foin lalais.

Nia esplika, prosesu implementasaun tarde la’os tanba akontese irregularidade, maibé kontratu ba kotasaun ho kompaña sira maka lori prosesu naruk.

" Kompaña liu atus lima maka kompete, entaun ida lori tempu, maibé laiha irregularidade, ida ne'e ita nakloke no KAK mós akompaña,"  tenik nia