Iha jogu ne’e, Jogadór husi Portugal, Inez ho Matilda kompete ho nia adversáriu Jogador husi Cabo-Verde Maria ho Catarina, ne’ebé konsege anima adeptus sira ho nia tatika no ritmu jogu ida-idak nian.

Inisiu jogu set dahuluk, ekipa Portugal domina bola, hodi fó presaun ba nia adversáriu, maibé Coba-Verde tenta nafatin kontrolu jogu ho sira maneira jogu ne’ebé sira iha.

Minutu ne’ebé la’o ba dadauk, set dahuluk, ekipa Portugal manan ho pontu 21-10 ba nia adversáriu Cabo-Verde, maibe ekipa Cabo-verde nafatin ho vontade no espiritu jogu ne’ebé iha, nune’e bele halo mudansa jogu iha set daruak.

Foin  hakat ba jogu set daruak nian,  ekipa Portugal ho Cabo-Verde ne'e, jogador sira kuidadu tebes, mantein tátika ne’ebé sira salva bola ho di’ak.

Ekipa Cabo-Verde ne’ebé lakon iha jogu set dahuluk tenta kontrola hodi bele manan iha jogu set daruak nian, maibé esforsu sira ne’e labele atinje sira nia alvu, tanba jogador Portugal kontinua domina kampu no tatika ne’ebé sira iha.

Nune’e, rezultadu ikus ba jogu set daruak nafatin fó vitória ba ekipa Portugal ho pontu 21-17  Cabo-Verde.

Husi rezultadu ne’e, Portugal mak sai manan na’in jogu praia feto ne’e, tanba manan iha  jogu set dahuluk no daruak.