Xefe Suku Maumeta, Vitor da Silva hateten, tinan barak ona komunidade sira iha aldeia 4 kontinua sosa be'e moos ho tanki kinur ida  folin $3 to'o $10 kada loron.

Komunidade haat mak hanesan Nartuto, Darumuda-Put, Camego-hou no aldeia Maumetalau populasaun hamutuk ema na'in 4.000

Vitor hateten, ko’alia kona ba be'e moos komunidade suku Maumeta susar tebes komunidade hotu-hotu sosa be'e moos, mesmu tama ona buat ida karik todan ida ba komunidade sira nia ekonomia.

"Ami nia komunidade balun sei sosa hahan mós la to'o ona, oinsá sosa be'e moos ida mak enfrenta ba komunidade sira nia moris no barak mak la asesu ba be'e moos to'o agora," informa Vitor da Silva ba jornalista INDEPENDENTE iha nia knaar fatin Suku Maumeta, (17/06).

Iha tinan ida ne'e, Programa Nasional Desenvolvementu Suku (PNDS) sei fura be'e moos iha suku Maumeta no sei distribui ba komunidade sira ne'ebe presiza be'e moos.

Kuandu ko’alia kona-ba urbana presiza hato'o, tanba urbana iha kedas autoridade lokal nia matan fuan, hare'e katak instalasaun be'e ne'e la’o ladun di’ak.

Iha aldeia Maumeta-lau be'e moos susar uitoan iha tempu bai-loron distribui ba komunidade la to'o ida, iha  tempu udan be'e moos iha.

Tinan barak iha area balu atu distribui be'e moos  ne'e kuase Indonesia nia tempu, desde Indonesia nia tempu komunidade sira buza gerobak hodi ba kuru be'e moos iha kantor sira to'o agora.

Kona-ba estrada husi aldeia Darumudapu mak ixolado liu tanba komunidade sira lao dook   mai to'o estrada boot depois iha tam mota.

Iha fulan Novembru tinan 2021 ami la’o ho Progama Nasional Desenvolvementu Suku (PNDS) regular kee estrada rural.

Total populasaun suku Maumeta husi Aldeia haat ne’e hamutuk ema na'in 4.000.