PN Hahú Rungu-Ranga, Deputadu Sira Hadau Malu Meza PPN Featured

By Jasinto Xavier Maiu 18, 2020 2015
Situasaun atual iha Parlamentu Nasional. Foto Jasinto Xavier/INDEPENDENTE Situasaun atual iha Parlamentu Nasional. Foto Jasinto Xavier/INDEPENDENTE

DILI:Situasaun Parlamentu Nasionál ohin hahú rungu-ranga ona, tanba deputadu sira husi Bankada tolu, FRETILIN, PLP no KHUNTO no Deputadu husi parrtidu CNRT hadau malu meza Presidente Parlamentu Nasionál.

Tuir observasaun INDEPENDENTE Online, segunda ohin iha Parlamentu Nasionál katak, Vise-Presidente Parlamentu Nasionál, Maria Angelina ho nia ekipa sae ba meza Presidente Parlamentu Nasionál hodi tuur, maibé deputada sira husi partidu CNRT prende no la fó fatin.

Entre deputadu sira husi partidu CNRT mak hanesan Deputadu Jose Virgilio, deputada Bisoi, Deputada Maria Fernanda Lay, Deputada Bendita Magno sira mak oras ne’e sai hanesan seguransa ba kadeira PPN nunee husi bankada partidu tolu hausi CNRT mesan PLP, KHNTO NO FRETILIN labele ba tuur.

Tanba ne’e, hahú haksesuk malu, ho ida-idak nia argumentu hodi halo interpretasaun ba Konstituisaun no Leis Parlamentar nian.

Entretantu, Deputadu sira husi Partidu Demokratiku ho FRETILIN tuur nonok iha sira nia fatin hodi haree deit situasaun iha meza Parlamentu Nasionál.

Presidente Parlamentu Nasional, Arao Noe de Jesus Amaral laiha fatin no nia kadeira sei mamuk.

Rate this item
(0 votes)

Independente Digital TV