“Liu husi plenaria extraodinariu ne’e Parlamentu Nasionál aprova ona pedidu Governu nian atu autoriza Prezidente Republika hodi dekreta estadu emerjensia ba dala-14 durante loron 30 tan,”dehan prezidente Parlamentu Nasionál Anicetu Guterres, iha PN sesta ohin (28/05).
Pedidu extensaun ne’e aprova ho votus afavor 35, kontra 0 no abstensaun 21.
Ho aprovasaun ida ne’e sei dekreta estadu emerjensia ba dala-14 ne’e sei hahú husi oras 00:00 loron 2 fulan-Juñu to’o oras 23:59 loron 1 fulan-Jullu tinan 2021.
Tanba ne’e, hodi fó kbiit ba Governu liu husi SIJK atu halo prevensaun ba Surtu Covid-19 ne’ebé dadaun ne’e tama ona iha transmisaun komunitariu esporádiku.
Entretantu, estadu emerjensia ba dala-13 sei termina iha loron 1 fulan-Jullu tinan 2021.
Enkuantu, tuir dadus Covid-19 ba loron ohin (28/05), iha kazu foun na’in 163, kazu rekuperadu 198 no kazu ativu iha sala izolamentu no auto-izolamentu hamutuk 2,692.
Asistente Editor: Saturnina da Costa
