PN Aprova Orsamentu Apoiu Sósiu-Ekonómika Tokon $81,7 Featured

By Saturnina da Costa Abril 20, 2021 897
Parlamentu aprova ona OR. Foto:Gab.MPCMPM Parlamentu aprova ona OR. Foto:Gab.MPCMPM

DILI: Parlamentu Nasionál, tersa ohin (20/4) aprova ona proposta Orsamentu Retifikativu (OR) hamutuk total tokon $223, 8 liuhusi alterasaun Orsamentu Jerál Estadu (OJE) 2021 iha jeneralidade.


Total orsamentu retifikativu ne’ebé Parlamentu Nasionál aprova, inklui mós orsamentu ba medida apoia sósiu-ekonómika tokon $81,7, iha ambitu pandemia Covid-19.
Proposta lei ba alterasaun dahuluk ba Lei Orsamentu Jerál Estadu ba tinan 2021 ne’e aprovadu iha jeneralidade ho votu afavór 44, abstensaun 21 no votu kontra zero (0).
Alterasaun ne’e atu finansia konjuntu ida husi medida prinsipál neen intervensaun nian ne’ebé Governu prepara ona, maka hanesan, apoiu ba empregu, moratória kréditu nian, apoiu ba estudante sira, seguransa aihan, apoiu ba profisionál liña frente nian, no prevensaun no mitigasaun COVID-19 nian.
Husi relatóriu no paresér Komisaun C, katak totál orsamentu retifikativu hamutuk tokon $223,8 ne’ebé realokasaun verba husi Fundu Infraestrutura ho valór tokon $62, realokasaun husi verba dotasaun todo Governu ho montante tokon $26,5 no integrasaun saldu jerénsia ne’ebé la inskritu (não inscritos) iha OJE 2021 ho montante tokon $ 135,3.
Montante orsamentu tokon $223,8 koloka ba kombate no halo prevensaun pandemia Covid-19 ho valór tokon $51,2, medida apoia sósiu-ekonómika tokon $81,7, finalizasaun pagamentu sesta Bázika tokon $31, atribuisaun suplementu remuneratóriu ba traballadór liña frente tokon $51,9 no dotasaun kontinjénsia ba fundu COVID-19 tokon $8.

 

Jornalista: Saturnina da Costa
Editor: José Sarito Amaral

Rate this item
(0 votes)
Last modified on Kuarta, 21 Abril 2021 07:07

Independente Digital TV