Sexta, 24 Setembru 2021 | Login
Jornalista timor-oan halo intrevista PM Taur Matan Ruak, iha Palacio Presidensial, Aitarak Laran, Dili. Foto Gabinete PM. Jornalista timor-oan halo intrevista PM Taur Matan Ruak, iha Palacio Presidensial, Aitarak Laran, Dili. Foto Gabinete PM.

PM Taur: Parabéns Jornalista, Hatudu Nafatin Responsabilidade Featured

DILI: Primeiru Ministru Taur Matan Ruak deklara sente kontente ho serbisu jornalista sira iha Timor-Leste ne'ebé esforsu hodi públika informasaun ho responsabilidade no tuir duni kodigu etika jornalista nia.

PM Taur deklara kestaun ne'e relasiona ho loron liberdade imprensa ne'ebé monu iha 3 Maiu.

"Xefe Governu sente kontente ho serbisu jornalista sira nian iha Timor-Leste, ne'ebé divulga informasaun sira ba ita-nia komunidade ho responsabilidade no tuir duni kodigu étika jornalista sira nian, embora hasoru difikuldades tanba sei falta tebes rekursu umanu," dehan PM Taur liu husi komunikadu ne'ebé jornal INDEPENDENTE asesu, Domingu (03/05).

PM Taur agradese tebes ba serbisu jornalista sira nian iha situasaun atual ne'ebé mundu, inklui Timor-Leste, enfrenta hela surtu-Covid-19, hodi ajuda komunidade sira bem-informado.

Liu husi komunikadu ne'e, PM Taur promete, liu husi SEKomS no organizasaun media sira, Governu hakarak kontinua hasa'e kapasidade Jornalista sira nian iha area jurnalizmu nian no insentiva instituisaun media sira atu iha kbiit hodi kontirbui di'ak liu tan ba prosesu konstrusaun estadu no demokrasia iha TL liu husi informasaun, tanba media nu'udar pilar importante ida mós.

"Ikus liu, mai ita hamutuk hodi luta nafatin ba prezerva bem-estar povu nian liu husi serbisu jornalista sira nian ne'ebé sempre sai lalenok ba ema hotu," dehan PM Taur.

Read 3960 times
Rate this item
(0 votes)