Sexta, 24 Setembru 2021 | Login
Mediku sira iha fatin izolamentu ba suspeitu Covid-19. Foto INDEPENDENTE Mediku sira iha fatin izolamentu ba suspeitu Covid-19. Foto INDEPENDENTE

Dadus 03 Maiu: Konfirmadu Covid-19 Na’in 24, Izolamentu Hela Na’in 8 Featured

DILI:Sentru Integradu Jestaun Krize (SIJK) relata katak, domingo ohin (03/5), kazu konfirmadu Covid-19 mantein 24, rekuperadu na’in 20, no na’in walu (8) sei hela iha izolamentu Sentru Saúde Vera Cruz Dili.

Portavoz Sentru Integradu Jestaun Krize (SIJK) Doutór Sergio Lobo hatete, suspeitu sira ne’ebé halo teste laboratóriu hamutuk 688, rezultadu laboratóriu negativu hamutuk 533, ema na’in 131 hein rezultadu laboratóriu.

Ema sira ne’ebé sei iha karantina hamutuk 316, kompostu husi na’in 41 halo karantina iha fasilidade Governu nian iha munisipiu sira no na’in 214 karantina iha fasilidade Governu nian iha Dili. Ema na’in 61 halo auto karantina iha munisipiu sira.

Total ema ne’ebé liu ona loron 14 iha karantina hamutuk 1.898 kompostu husi Dili hamutuk 1476 no iha munisipiu 401.

Husu ba komunidade atu kumpri nafatin protokolu husi Organizsaun Mundial Saúde (OMS) nian kuidadu nafatin ijiene pessoal fase liman bebeik mantein distansiamentu sosial nomós distansiamentu fíziku.

Hakmatek iha uma kuandu laiha nesesidade ne’ebé importante iha li’ur. Sai ba li’ur tenke uza maskara.

Nia mós informa, bainhira iha sintomas infesaun respiratória aguda (IRA) hanesan isin manas, kakorok moras, me’ar, inus-been, ruin kiik- bo’ot siin halo favor ba konsulta iha sentru saúde ka ospital sira. Se lakohi atu hetan moras Covid-19 ne’ebé grave ka krítiku hapara fuma sigaru no hemu tua.

Read 3047 times Last modified on Domingu, 03 Maiu 2020 20:08
Rate this item
(0 votes)