Material íjiene hirak ne’e atu distribui ba eskola sira iha Munisipiu Aileu no Ainaro.
Contry Diretor Plan Internasaional, Dillyana Ximenes hatete, Plan Internasional hanesan Parseiru dezenvolvimentu no estratejiku ba estadu Timor-Leste, tanba ne’e, iha komitmentu nafatin atu sevisu hamutuk ho Ministeriu Edukasaun Juventudi no Desportu iha situasaun estadu emerjensia.
“Ohin ami apoiu materia íjiene hanesan sabaun lifeboy, fiksal, baiklin no mós material kontrusaun hanesan pregu, atu hadia ba eskola sira ne’ebé hetan estragus husi anin bo’ot, inklui eskola haat iha munisipiu Ainaro, Postu Hatoudu,”dehan nia ba jornalista sira iha salaun reuniaun MEJD, Vila-Verde Dili, tersa ohin (22/06).
Material sira ne’e sei fahe ba eskola hamutuk 195 kompostu husi ensinu sekundaria iha Ainaro hamutuk 98 no iha Aileu hamutuk 97.
Nia hatutan, kada eskola ida sei hetan sabaun lifeboy 30, fiksal 2 no baiklin 2.
Entretantu, Ministru Edukasaun Armindo Maia hatete, Plan iha inisiativa fó apoiu MEJD tanba iha ona kooperasaun diak hodi tau matan ba estudante sira.
Tanba ne’e, material sira ne’ebé simu husi Plan Internasional sei distribui fali ba eskola sira iha munisipiu Ainaro no Aileu.
Asistente Editor: Saturnina da Costa
