Pessoal Saúde 1 Positivu Covid-19, Konfirmadu Sa’e 24 Featured

By Elsa Belinha Abril 24, 2020 7291
Pessoal Saude sira. Foto INDEPENDENTE Pessoal Saude sira. Foto INDEPENDENTE

DILI: Pessoal Saúde ida konfirmadu pozitivu ba Corona Virus Deasses 2019 (Covid-19) hafoin halo asistensia ba pasiente pozitivu sira iha fatin izolamentu Vera Cruz.

Portavoz Sentru Integradu Jestaun Krize (SIJK) Dr. Sergio Lobo hatete, pessoal Saúde ida ne’ebé halo tratamentu ba pasiente konfirmadu pozitivu Covid-19 iha fatin izolamentu Vera Cruz hafoin sai husi karantina ba uma.

“Kazu konfirmadu foun ne’e pessoal saúde 1 ne’ebé fó atendimentu iha fatin izolamentu Vera Cruz nia nuudar infermeiru,”dehan nia iha konferensia imprensa, ohin iha CCD, Ohin.

Nia dehan, iha fatin izolamentu ne’e iha protokolu ne’ebé halo tuir maibé parese iha troka ne’e maka liman kona sala buat ruma maka da’et.

Nia informa, infermeiru ne’e laiha sintomas ruma. Nia sai ona husi karantina ba uma maka foin nia rezultadu hatudu pozitivu maibé nia taxa loud viral ne’e ki’ik ona. Ba nia familia sira hasai ona amostra hein nia rezultadu.

Nia informa, agora dadaun kazu konfirmadu 24, sira ne’ebé hein rezultadu konfirmasaun husi Australia na’in 21, sira ne’ebé rezultadu teste hatudu ona negative hamutuk 347.

Ema ne’ebé sei iha konfinamentu obrigatoriu 409 no ema ne’ebé sai ona husi konfinamentu obrigatoriu hamutuk 1.695. ema ne’ebé rekuperadu hamutuk 2, provavel sira ne’ebé maka iha fatin izolamentu Vera Cruz ne’e nia rezultadu hatudu negative hotu.

Rate this item
(0 votes)

Independente Digital TV