Pe. Julio Crispin: VIII Governu Laiha Dalan Aprejenta OJE Foun Featured

By Jacinto Xavier Abril 30, 2020 7552
Amu Crispin. Foto INDEPENDENTE/Jonio da Costa Amu Crispin. Foto INDEPENDENTE/Jonio da Costa

DILI: Jurista Timor-oan Padre Julio Crispin informa, VIII Governu ne’ebé ejiste daudaun ne’e laiha dalan atu aprejenta tan Orsamentu Jeral Estadu (OJE) 2020 nian, tanba ne’e tenke demite hodi harii Nonu Governu.

Parlamentu Nasional maka hahoris Governu, tanba ne’e tenke garantia maioria parlamentar, atu garantia ida ne’e tenke verifika liu husi eleisaun meja parlamentár, ida ne’e maka konfirma katak nia maioria parlamentár no fó razaun ba Prezidente Repúblika katak iha PN iha ona maioria parlamentár foun ne’ebé bele sustenta viabilidade no garantia estabilidade Governu ida nian.

Bainhira asuntu ne’e loos ona foin halo demisaun ba VIII Governu hodi hari fali Governu foun.

Ema balun dehan halo remodelasaun hodi viabilija VIII Governu ne’e to’o iha 2023, bainhira nune’e sira atu foti osan hahú husi 2020 to’o 2023 ne’e husi ne’ebé hodi sustenta Governu.

Kada tinan orsamentu tenke iha, iha 2020 Orsamentu Jeral Estadu seidauk iha, VIII Governu agora ne’e konstituisaun la fó dalan ona nia atu hatama fali Orsamentu Jeral Estadu 2020 no mos 2021, ne’e duni VIII Governu ne’e tenke hetan demisaun,”dehan nia iha rejidensia, horisehik.

Nia informa, Partidu KHUNTO, FRETILIN, PLP maioria ona sira bele halo ona demisaun ba VIII Governu agora hodi harii fali nonu governu hodi halo kadusidade ba propsota lei OJE 2020 ne’ebé foin lalais retira iha PN ne’e.

Governu foun ne’ebe forma husi partidu tolu ne’e bele hatama fali proposta lei OJE foun, tanba ida tuan ne’e kaduka ona ho Governu ne’ebé hetan demisaun ne’e.

Agora plata forma foun ne’e tenke book aan lalais ona, halo demisaun governu, hodi halo formasaun governu, tuir hatama programa ne’e dura fulan ida, bainhira remata sei elabora OJE to’o aprovasaun, minimu to’o fulan-Augustu ne’e orsamentu tenke iha ona.

Tanba sei iha reseisaun ba PN iha 15 Augustu, depois sira tama fali iha 15 Setembru husi ne’e OJE foun 2021 tenke hatama ona, atu nune’e 2021 iha ona orsamentu. Tinan ida ne’e nonu governu presiza halo orsamentu rua, OJE ba 2020 no 2021 nian.

“Ita dehan viabiliza de’it VIII governu ita la iha Orsamentu Jeral Estadu 2020 no 2021 nia la iha estadu atu moris ho saida,” dehan nia.

Rejime duodesimu to’o  fulan-Dezembru remata ona, tanba lei anterior 2020 ne’e laiha, 2020 ne’e sei bele uza rejime duodesimu tanba lei rejime orsamentu no jestaun finanseira haruka uza lei OJE tinan liuba, no iha 2021 tinan liuba laiha lei OJE entaun rejime duodesimu labele aplika ona.

Ne’e duni, estadu tenke iha OJE 2020, bainhira atraja karik bele uza ba 2021 nian.

Rate this item
(0 votes)

Independente Digital TV