×

Atenção

JUser: :_load: Não foi possível carregar usuário com ID: 425

PD Prontu Koliga Ho Partidu Seluk Featured

By Jasinto Xavier Jullu 24, 2017 3440
ASSANAMI ASSANAMI

DILI:Partidu Demokrátiku (PD) liu ona barreira 4% hodi hakat ba iha Parlamentu Nasionál, tanba ne’e afirma ninia pozisaun hodi prontu atu halo koligasaun bainhira iha partidu boot ruma bolu sira.

“Hanesan partidu jerasaun foun ne'ebé iha vizaun boot hakarak atu muda povu nia moris. Tanba ne’e, prontu atu simu partidu ne'ebé de'it mak hakarak atu koliga ho ami”, dehan Prezidente PD, Mariano ‘Assanami’ Sabino.

Tuir nia, PD hanesan partidu kontinuador partidu jerasaun foun ne'ebé moris iha inisiu nasaun ne’e hetan independénsia. Tanba ne’e, nakloke-aan ba sé de’it hodi ukun hamutuk, importante mak partidu ne’e iha vizaun ne'ebé hanesan.

Nia esplika, ideolojia PD nian nu’udar funan husi FRETILIN no nia lealdade ukun iha tinan 10 nia laran ho maun boot Xanana.

Nune’e, hanesan jerasaun foun ne'ebé uluk luta hamutuk ho maun boot sira iha frente klandestina, hanoin katak tempu to’o ona hanesan maun boot Xanana, Alkatiri, Lú-Olo, Lere no Taur merese atu tau sira iha fatin ne'ebé dignu para ema hotu bele respeitu sira.

Rate this item
(0 votes)
Last modified on Domingu, 30 Jullu 2017 10:20

Independente Digital TV