Pasiente COVID-19 Iha Sala Izolamentu La Hemu Aimoruk Featured

By Jasinto Xavier Abril 18, 2020 2127
dr. Rui dr. Rui

DII:Pasiente moras corona virus (COVID-19) na’in 17 ne’ebé iha sala izolamentu la konsome aimoruk, tanba maioria pasiente la hatudu sintomas.

Ema hirak ne’e, na’in rua (2) de’it mak hatudu sintomas, no sira seluk kondisaun stavel la hatudu moras ruma.

Portavoz SIJK, Rui Maria de Araújo esplika, maske ema la hatudu sintomas maibé virus ne'e iha laran ona, entaun bainhira nia kontaktu ho ema seluk virus sei da'et entaun hakarak ka lakohi balun sei hamosu sintomas, husi ne'e ekipa epidemolojika sira sei buka tuir.

Ema efeitadu COVID-19 la hatudu sitomas tanba ema nia imunidade ne'e diak hela hodi rejiste hasoru virus ne'e.

“Ema na’in 17 iha sala izolamenru ne'e loos duni katak sira la hemu aimoruk, maibé haruka sira deskansa barak, fó hahan nutritivu atu nune'e sira bele iha uminidade di’ak hodi kombate virus ne'e,”dehan eis Primeiru Ministru ne’e, Sábdu ohin, iha sala situasaun SIJK, CCD Dili.

Rate this item
(0 votes)

Independente Digital TV