Dadus 19 Abril: Konfirmadu COVID-19 Aumenta Ida Sa’e Ba 19 Featured

By Jacinto Xavier Abril 19, 2020 3774
Tuir Portavoz SIJK Odete da Silva Viegas Tuir Portavoz SIJK Odete da Silva Viegas

DILI: Sala Situasaun Sentru Intergradu Jestaun Krize (SIJK), informa katak kazu konfirmadu Corona Virus (COVID-19), iha Timor-Leste aumenta kazu foun ida nune’e sa’e ba 19.

Tuir Portavoz SIJK Odete da Silva Viegas hatete, dadús COVID-19 iha Timor-Leste ba loron domingo ohin (19/4), ema sira ne’ebé iha konfinamentu obrigatoriu hamutuk na’in 608. Pasa ka liu ona loron 14 iha kuarentena hamutuk na’in 1399.

Suspeitu hamutuk 323, provavel mantein na’in haat, negativu 208, hein rezultadu na’in 92.

“Kazu konformadu ba loron 19 fulan-Abril aumenta kazu foun ida, tanba ne’e konfirmadu hamutuk 19 ida rekopera,” dehan nia, liu husi Konferensia Impresa, iha CCD, ohin.

Odete dehan, kazu pozitivu foun ne’e husi Hotel Lesidere, ninia historia viajen husi Bandung ba Jakarta iha loron 30 fulan-Marsu ho Travel, husi Jakarta mai Kupang ho aviaun Batik Air, husi Kupang mai Atambua vitima ne’e aluga karreta Avanza nia ho kondutor de’it.

Bainnhira mai to’o iha Atambua nia toba kalan ida iha hotel Timor Travel, husi Atambua mai Batugade ho Motor Ojek, no husi Batugade mai Dili ho Bus Bintang ne’ebé aluga husi governu.

Ema ne’e viajen hamutuk ho Bus ida no kuarentena hamutuk iha Hotel Lesidere na’in 41.

Ba sira ne’ebé ohin loron sai ona poziivu to’o oras ne’e sira nia kondisaun di’ak, mediku no espesialista sira oras ne’e kontinua akompaña.

Husu nafatin ba sidadaun hotu iha Timor laran tomak atu kontinua kumpre regra ne’ebé maka Organizasaun Saúde Mundial (OMS), fó sai ona katak, tenke fase liman bei-beik ho sabaun, kumpre distansia sosial no fiziku.

Rate this item
(0 votes)

Independente Digital TV