Partu iha Varanda Postu Saúde Natarbora, MS: Laiha Problema Featured

By Adelaide dos Santos Fevereiru 29, 2024 142
Inan-feton, Rosa Cardoso husi Suku Uma Boko, Postu Administrativu Natarbora, Munisípiu Manatuto ne’ebé partu iha varanda Postu Saúde Natarbora. Foto:Media Sosial. Inan-feton, Rosa Cardoso husi Suku Uma Boko, Postu Administrativu Natarbora, Munisípiu Manatuto ne’ebé partu iha varanda Postu Saúde Natarbora. Foto:Media Sosial.

DILI: Akontesimentu inan-feton, Rosa Cardoso husi Suku Uma Boko, Postu Administrativu Natarbora, Munisípiu Manatuto ne’ebé partu iha varanda Postu Saúde Natarbora, Ministériu Saúde  liu husi Ekipa Integradu konsidera laiha problema.

Portavoz Ekipa Integradu Ministériu Saúde, Vidal Lopes hatete, pasiente ne’e rasik too iha fasilidade saúde, maibé iha fasilidade saúde nia oin la tama ba laran.

Nia dehan, entaun imajen ne’e sai hanesan interpretasaun ne’e luan tebes, tanba ema ida-idak interpreta tuir nia interrese. Maibé laiha problema tanba parte familia mós agradese tanbá iha momentu ne’e kedas depois 3 minutu parteira atende kedas pasiente refere hodi fó baixa,.

“Akontesimentu iha Natarbora laiha problema, maibé nia kestaun mak la partu iha fasilidade saude nia laran, maibé liu minutu tolu parteira halo atendimentu kedas no parteira rasik mak koa nia hussar hodi fó baixa durante oras 3, depois fila ba uma, maibé ida ne’e la’os akontesimentu primeiru, iha Dili laran besik hela fasilidade saúde mos kuandu sa’e taxi ka ambulansia bele partu iha ambulansia laran, ne’e mos bele akontese,” Dehan Portavoz Ekipa Integradu Ministériu Saúde, Vidal, iha Ministériu Saúde, Tersa (27/02).

Maibé relasiona ho foto ne’ebé públika iha media sosial ne’e tuir lolos labele, tanba ida-ne’e la konserva ona pasiente nia dignidade no dignidade inan feton sira ni’an.

Nune’e ba oin MS sei minimiza asistensia saúde ne’e tenke 24 oras, bainhira koloka ema ida ba iha fasilidade saúde hodi halo tiha nia dever, maibé nia direitu mos tenke respeita.

Entretantu, Deputadu Bankada CNRT, Gabriel Soares informa, inan ne'ebé mak iha loron 25 fulan fevereiru ne'e  partus  iha  Munisipiu Manatutu.

“Maibe hau hakfodak ho Id-Fb ida ho naran Ivonio Jose ne'e bele kolu molik ita nia inan-feton iha média sosial,  lolos ida-ne’e labele akontese,” dehan nia iha PN, segunda (26/02).

Ho ida-ne'e, nia mós apresia ho profesionál  saúde sira iha Munisipiu Manatuto, Postu administrativu Natarbora hala'o servisu la sente kolen, iha tempu loron no kalan, partu ne'e bele minutu deit, bele partu iha kareta laran no bele partu iha dalan, maibe halo favor labele publika inan feton nia dignidade media sosiál.

“Hau hakarak husu ba Redi feto defende dignidade feto nu'udar inan feton, labele kolu molik inan  feton neebe mak partu, ita boot sira feto ne'e ita nia sentimentu oinsa, bainhira inan feton partu iha odamatan oin sentru saude nian ne'e liu minutu deit parteira sira to'o kedas, maibe tanba saida mak tau iha media sosial, no labele desfama inan feton iha media sosial ne'e,” Nia relata.

Rate this item
(0 votes)

Independente Digital TV

Tuir ami iha Twitter

Kalendariu Notisia

« April 2024 »
Mon Tue Wed Thu Fri Sat Sun
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30