Altera Dekretu-Lei Ne’ebé ‘Bandu Minoridade’ EhD Hetan Subsídiu Featured

By Kontribuente Fevereiru 29, 2024 2009
Asesór Prinsipál Prezidente Repúblika, Gaspar Afonso Soares. Foto:INDEPENDENTE. Asesór Prinsipál Prezidente Repúblika, Gaspar Afonso Soares. Foto:INDEPENDENTE.

DILI: Asesór Prinsipál Prezidente Repúblika, Gaspar Afonso Soares husu Governu Konstituisionál dasia halo alterasaun ba dekreitu-lei númeru 19/2008 ne’ebé  ‘bandu minoridade’ Ema ho Defisiénsia (EhD) ho idade 17  mai kraik hetan direitu subsídiu.

Asesór Prinsipál Prezidente Repúblika, Gaspar Afonso Soares, husu governu atu bele halo alterasaun ba direitu-lei numerú 19/2008, tanba Ema ho defisiésia iha tinan 17 mai kraik la hetan subsídiu.

“hau nia prioridade ida tan mak hau dehan ba sua eselensia ko’alia ba Primeiru Ministru atu  halo alterasun ba dekreitu-lei numeru 19/2008, Ema ho Defisiésia iha tinan 17 amai kraik labele asesu ba subsidiu ida-ne'e, ita hato'o hela ba Prezidente,” Dehan Asesór Prinsipál Prezidente Repúblika, Gaspar ba Jornalista sira, iha Salaun Dare, Tersa (27/02).

Nia dehan, depois ida sira haree iha media, sira tun ba  hodi fós ho mina ne'e iha nia trip  hakarak besik ba  maluk defisiesia sira hodi  haree direita no rona sira-nia kondisaun moris.

“Se hau la’o tuir knaar asesór nian, hau sei la tun ba baze, hau sei  iha palasiu los deit, ne'e orsida mos malu defisiésia intrepeta Gaspar Afonso agora mos sulan aan iha AC deit. Entaun hau lakohi, hau uza trip sira-ne'e hakbesik an ba hau nia maluk sira, atu hau bele hatete direita sira-nia kondisaun moris, afinal los duni sira ne'ebe mak ho idade 17 mai kraik ne'e sira-nia moris ne'e susar tet-bes, satan sira nia inan-aman moris deit ho agrikultór,” Nia hatete.

“Hau foin fila husi Kovalima ita vizita Postu lubuk ida iha ne'eba, ita hasoru Ema ho defisiésia ho kondisaun moris susar loos, balun hela deit uma hanesan baraka deit mak iha,”.

Nia hatutan, vizita ida ne'e ba ema seluk nia hanoin  mak karidade maibé ba nia la’os karidade, hanesan maneira ida hodi besik ba maluk defisiésia hodi rona sira nia ezijensia.

“Visita ida-ne'e ba ema seluk nia pesansamentu  mak karidade, mai  hau ida-ne'e hau tenki uza maneira, para hau nafatin besik no  vizita sira, se hau la halo  hanesan ne'e, hau la’os Sekretáriu Estadu, Vise-ministru no Ministru para foti dezisaun ba vizita. hau  tenki halo planu sira hanesan atu besik sira hodi rona sira nia ezijensia,” Nia informa.

Servisu ho Prezidente Repúblika, nia afirma, agora muda servisu ba kraik,  tanba foufoun iha andar leten, entaun maluk sira-ne’ebé mak uza kadeira roda, labele hasoru malu direta.

“Entaun hau dehan Prezidente hau  tenki tun ba kraik para sira-ne'ebe ho kadeira roda  atu mai kulia ho hau,  para sira bele mai direta iha hau nia fatin, tanba  maluk  ho kadeira roda na’in rua no na’in tolu labele hasae ba hau nia fatin, tanba la asesivel,” Nia haktuir.

Rate this item
(0 votes)

Independente Digital TV

Tuir ami iha Twitter

Kalendariu Notisia

« April 2024 »
Mon Tue Wed Thu Fri Sat Sun
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30