PAM Dili Husu Komunidade Kontribui Kombate Lixu Featured

By Adelaide dos Santos Setembru 24, 2021 390
 Prezidente Autoridade Munisípiu (PAM) Dili, Guilhermina Filomena Saldanha Ribeiro Prezidente Autoridade Munisípiu (PAM) Dili, Guilhermina Filomena Saldanha Ribeiro

DILI: Prezidente Autoridade Munisípiu (PAM) Dili, Guilhermina Filomena Saldanha Ribeiro, husu komunidade atu ho konsiénsia rasik, kontribui kombate lixu iha sidade, tanba Dili atu moos presija ema hotu nia kontribuisaun.

Nia mós apela ba sidadaun sira ne’ebé mai husi estranjeiru no mós husi munisípiu-sira, hotu-hotu tenke iha responsabilidade, labele so’e lixu arbiru tanba bele fó impaktu iha tempu udan.

“Durante ne’e munisipiu Dili hala’o hela programa barak kona-bá oinsa hamoos lixu, maibé lixu ne’e kada loron kontinua aumenta. Tanba ne’e ita hotu iha obrigasaun atu hamoos liu husi labele so’e lixu arbiru,” dehan nia iha otél Novo Turizmu, Kuarta (22/09).

Kualkér sidadaun ne’ebé mai buka moris iha kapitál Dili, tenke matenek no iha responsabilidade morál atu ajuda nafatin munisipiu hodi luta kombate lixu.

Molok ne’e, Diretor Jerál MTKI José Felipe Dias Quintas informa ona katak, Lixu namkari iha fatin públiku bele afeta ba imajem Timor-Leste nian, tanba nasaun ne’ebé furak tenke soe lixu iha nia fatin.

Rate this item
(0 votes)

Independente Digital TV