Nia dehan, tuir lolos pagamentu refere hala’o iha loron 15 fulan-Juñu, maibé iha failansu balun kona ba dokumentus, nune’e adía fali ba fulan oin.
Nune’e, Prezidente dehan, tanba tinan ida ne’e, idozu no invalides sira sei simu $50 kada fulan.
“Pagamentu ba iha idozu nian, ita adia de'it, laos kansela ida, tanba razaun, purezemplo, valor osan sa'e ona husi $30 ba iha $50, tanba ne'e ita hakarak governu tenke halo uluk lansamentu lai, ba iha mudansa dadus," dehan nia ba Online INDEPENDENTE, iha knar fatin INSS, Kaikoli, tersa ne’e (21/06).
Nia hatutan, razaun seluk mak, tekniku sira sei indentifika dadus no dokumentus sira no mós hare ba osamentu sira los ona ka Lae, ho ida ne’e mak Pagamentu adía.
Nia haktuir, kada tinan halo pagamentu iha loron 15 fulan Juñu, maibé iha tinan ne'e, pagamentu sei muda ba fali iha 7 jullu tinan ne'e.
Ho nune'e, tuir planu, sei hahú halo lansamentu ba pagamentu Idozu no invalides sira iha munisipiu Líkisa, no sei kontinua ba munisipiu sira seluk.
Entretantu, tuir dadus tinan ne’e, total idozu no invalides sira iha teritoriu laran tomak, inklui Rejiaun Adminitrativu Espesial Oekusse Ambeno (RAEOA) hamutuk ema na’in 103.108
Nune’e, orsamentu ne’ebé sei halo pagamentu ba idozu no invalides, iha faze dahuluk tinan ne’e hamutuk quase dolar amerikanu Tokon U$35 resin.
Enkuantu, tuir dadus, total benifisiariu ba pagamentu ba idozu no invalides iha tinan 2021 nian hamutuk 93.378 ho montante osan ne’ebé selu ona hamutuk U$17.172.040.
