Kordenadór Forsa Tarefa ba Prevensaun no Mitigasaun Surtu Covid -19 iha Timor-Leste, Rui Maria de Araujo informa katak, progresu atividade prevensaun no mitigasaun surtu Covid -19 iha municipio Dili, hafoin deteta kazu foun rua iha bairo BTN II Tasi-Tolu, Ekipa Konjunta Saúde buka tuir kontaktu besik hahú loron 7 too 10 fulan-Marsu total amostra hamutuk 472.

Tanba ne’e, Dr. Rui salienta katak husi kazu foun 3, kazu rekoperadu 0, no kazu ativu 51 mak hamutuk total pasiente 51, ne’ebé baixa hela iha sala izolamentu Vera Cruz Dili.

Entretantu, Governu mós deside hapara ona serka sanitaria iha Munisipiu Covalima. Enkuantu iha Postu Administrativu Fatumea sei kontinua aplika medida serka sanitária.

SIJK kontinua husu ba populasaun iha Dili laran tomak atu nafatin kalma, lalika pániku, hela deit iha uma wainhira laiha nesesidade atu halo movimentu bá-mai, pratíka nafatin medida sira ne’ebé ita hotu hatene ona:

1. a) Uza máskara
2. b) Fase liman bebeik ho sabaun ka dezinfetante ruma
3. c) Wainhira kumprimenta malu, lapresiza kaer-liman, bensa-liman, rei-malu ka haku’ak malu
4. d) Evita halibur malu barak
5. e) Hamri’ik ka tur dook husi ema seluk, mínimu metru ida ho balu