Tanba ne’e, ohin (23/06) ekipa pagamentu, hahú halo ona pagamentu ba idozus no invalides iha Munisipiu Aileu Postu Administrativu Lekidoe.
Total Benefisiariu iha Munisipiu Aileu hamutuk 3,250 husi númeru ne’e kompostu husi Postu Administrativu Lekidoe 533, Laulara 362, Aileu-Vila 1,673 no Remexiu 682.
“Ita nia pagamentu ba idozus no invalides hahu ona ohin, no agora dadaun ita halo pagamentu uluk iha Munisipiu Aileu, nune’e tuir mai ita sei halo pagamentu ba iha munisipiu sira seluk inklui kapital Dili,”dehan nia ba jornalista sira knar fatin INSS Kaikoli, kuarta ohin (23/06).
Entretantu, total benefissiariu ba idozus no invalides iha territóriu laran tomak, ne’ebé atu simu subsidiu hamutuk 94.717, husi númeru ne’e kompostu husi invalidus hamutuk 8,200 no idozus hamutuk 86,517, ho nia total orsamentu hamutuk $17,34,180.
Enkuantu, iha tinan kotuk (2020) INSS no BNCTL halo ona pagamentu ba idozus no invalides hamutuk 92,192 ho orsamentu dollar amerikanu $16,836,990.
Asistente Editor: Saturnina da Costa
