×

Atenção

JUser: :_load: Não foi possível carregar usuário com ID: 430

JUser: :_load: Não foi possível carregar usuário com ID: 422

Navál Apoiu PNTL Buka Estudante Lakon iha Ossu Featured

By Marsu 30, 2017 1190
Roo Marina Roo Marina

DILI: Estudante ida ne’ebé mota lalin iha Suku Uagia, Ossu-Vikeke, seidauk hetan. Atu apoia hodi buka vítima ne’e, Komponente Navál FALINTIL Forsa Defeza Timor Leste (F-FDTL) hatún ona ekipa ida hodi buka tuir estudante ne’e.

Komandu Operasaun Nasionál PNTL, Superintendente Xefe Henrique da Costa dehan, oras ne’e daudaun mota kontinua boot no merak hodi difikulta servisu polisia nian buka tuir vítima ne’e.

Tanba ne’e, komandu PNTL Munisípiu Vikeke husu apoiu ba Komponente Navál hodi buka tuir vítima.

“Parte Navál F-FDTL hodi kalan kedas iha fatin akontesimentu hodi buka tuir vítima ne’ebé mota lori, iha Domingu (26/3), foin lalais ne’e”, dehan Henrique, iha Kuartél Jerál PNTL Kaikoli-Dili, horisehik.

Nia dehan, oras ne’e daudaun Komponente Navál hamutuk ho PNTL inklui komunidade sei iha prosesu buka tuir mate isin ne’e.

Situasaun mota rasik oras ne’e merak no korrente makaas, la permite buka tuir mate isin ne’e.

Antes ne’e komandu Munisípiu Vikeke hato’o pedidu ba Komandu Unidade Polisia Marítima (UPM) hodi buka tuir matebian ne’e, maibé iha razaun balun labele marka Prezensa iha fatin akontesimentu.

Ne’e duni, hato’o kedas karta ba Komponente Navál hodi apoiu PNTL Munisípiu Vikeke hodi buka tuir matebian ne’e.

“Oras ne’e daudaun ita nia maluk sira husi Navál maka iha terrenu hodi buka tuir mate isin,” Dehan Henrique.

Estudante na’in rua, Evanjelina da Silva no Olímpia da Silva mota lalin iha Suku Uagia, Postu Administrativu Ossu-Vikeke, bainhira halo viajen husi Ossu Vila ba sira nia-suku Uagia, iha Domingu, (26/3). 

Rate this item
(0 votes)

Independente Digital TV