Kinta, 22 Abril 2021 | Login
×

Erro

An error occured during data fetch from google.com: Error calling GET https://www.googleapis.com/analytics/v3/data/ga?ids=ga%3A138150919&start-date=2017-01-15&end-date=2021-04-20&metrics=ga%3Avisits&dimensions=ga%3Ayear&start-index=1&max-results=1000: (403) Quota Error: profileId ga:138150919 has exceeded the daily request limit.
Corona virus Corona virus

Na’in Ida Positivu Covid-19 Iha Baukau, Halo Viazen ho Bus Mabenifa Featured

DILI:Trasmisaun lokal husi moras Covid-19 hahú hada’et husi fatin ida ba fatin seluk. Hafoin moras ne’e mosu iha Munisipiu Covalima, moras ne’e mosu tan iha Munisipiu Baukau.

Kordenador Forsa Tarefa ba Prevensaun no Mitigasaun Surtu Covid-19 Dr. Rui Maria de Araujo  esklarese iha loron 2 fulan-marsu 2021 deteta kazu konfirmadu foun ida iha Baucau.

“Kazu ida iha Baucau ne’e halo viajen husi Dili ba Baucau iha loron 01 fulan marsu ho bis naran Mabenifa ho xapa matrikula 36-806 to’o iha Baucau tuku 8 kalan, no iha loron 02 fulan marsu viziñu sira informa ba ekipa konjunta saude Baucau katak, ema ne’e kleur ona la hela iha Baucau posivelmente ba halo viazen iha fatin kontaminadu ruma no husu halo teste,”dehan nia liu husi Konferensia Imprensa iha CCD (5/3)

Nune’e, ekipa konjunta saude foti kedan amostra iha loron ne’e ba ema ne’e rasik ho ninia koñesementu  tanba deskonfia iha sintomas.

Nia esplika, rezultadu husi amostra ne’e hatudu positivu ho CT (Cycle Threshold) 42,5. Ne’e signifika katak nia infetadu duni ho virus SARS-cov-2 maske nia iha ona faze rekuperasaun no provabilidade atu nia hada’et tutan ba ema seluk.

Nune’e, iha  loron 4 fulan marsu ekipa saude repete hikas analiza hodi konfirma ninia CT maibé rezultadu ida ne’e hatudu negativu, no konfirma katak iha duni prosesu rekoperasaun.

Maski rezultadu negativu, ekipa saude deside foti amostra husi ema hotu ne’ebe kontaktu besik ho nia iha Baucau nomos kontaktu besik iha Dili, BTN II, Tasitolu Aldea Tera Santa, Suku Madohi Dom Aleixo Dili.

Dr. Rui Informa katak, identifika ona ema na’in 17 (Baucau ema na’in 9 no Dili ema na’in 8) ne’ebe konsideradu besik ho kazu ida ne’e.

Husi ema na’in 17 ne’e rejultadu teste hatudu negativu.

Maski negativu hotu sira sei nafatin iha karantina hodi hein tempu nesesario atu repete teste dala ida tan.

Dr.Rui Konfirma katak, ema ida ne’ebe positive nia membru familia sira informa ba ekipa saude katak durante  ne’e sira mos la halo viajen sai husi Timor- Leste no la halo mos viajen ba fatin ne’ebe sai risku mak hanesan Maliana, Suai no Oekuse.

Entertantu ekipa konjunta saude iha Municipio Baucau ho Municipio Dili sei nafatin buka tuir kontaktu sira hotu hodi bele estabelese ligasaun entre kazu foun ida ne’e.

Dadus Jeral ohin loron mak hanesan kazu foun 6, rekoperadu na’in 4  no kazu ativu baixa 25.

Dr. Rui kontinua apela ba populasaun Covalima, iha Baucau no iha Dili atu kalma, lalika paniku, lalika rona rumores oioin.

Tur hakmatek iha ida idak nia fatin hodi fó tempu ba ekipa saude atu nunee sira bele buka tuir kontaktu besik sira hotu, hodi bele halo exame iha laboratoriu.

Nia mós apela espesialmente ba maluk sira ne’ebe sae bus Mabenifa iha loron 1 Marsu, tuku 5 lokraik, husi Dili ba Baucau atu aprezenta an iha ekipa saude sira ne’ebe hela besik hodi bele fó atendementu.

Read 312 times
Rate this item
(0 votes)