Segundu Portavós MUTL, Atanásio Belo hatete, sira seidauk fiar 100% kona-ba entrega fila Prado ba administrasaun Parlamentu Nasionál.
“Ami husu ba Prezidente Parlamentu Nasionál anunsia deklarasaun ne’e ofisialmente,” dehan, Atanásio ba Jornalista Iha Liseu UNTL Dili, kuarta (23/8)
Nune’e, nia dehan, deputadu sira tenke entrega xave, bainhira la entrega ba deputadu foun, asaun movimentu kontinua la’o nafatin.
Nia reforsa tan, hapara leilaun no mós labele sosa karreta foun, maibé karreta sira ne’e tenke ba deputadu foun sira.
Tuir MUTL, karreta sira ne’ebé deputadu sira sa’e sosa husi osan Estadu nune’e halo manutensaun mós ho osan Estadu. Ne’e duni deputadu sira tenke agradese tanba simu saláriu no pensaun vitalisia husi Estadu.
