Domingu, 05 Dezembru 2021 | Login
×

Erro

An error occured during data fetch from google.com: Error calling GET https://www.googleapis.com/analytics/v3/data/ga?ids=ga%3A138150919&start-date=2017-01-15&end-date=2021-12-04&metrics=ga%3Avisits&dimensions=ga%3Ayear&start-index=1&max-results=1000: (403) Quota Error: profileId ga:138150919 has exceeded the daily request limit.
Espoza Prezidente Repúbika Cidália Nobre Guterres, vizita inian ho labarik ne'ebe hetan mal-nutisaun. Foto: Dok/Independente. Espoza Prezidente Repúbika Cidália Nobre Guterres, vizita inian ho labarik ne'ebe hetan mal-nutisaun. Foto: Dok/Independente.

MSSI Iha Ona Planu Pilotu Ba Programa Bolsa da Mãe Featured

DILI:Ministériu Solidariedade Sosiál no Inkluzaun (MSSI) iha ona planu pilotu hanesan planu foun ba programa Bolsa da Mãe.

Diretór Jéral MSSI, Rui Manuel Expostu hatete, MSSI sei implementa planu foun ba programa bolsa da mãe tanba konsidera programa ne’ebé oras ne’e iha la resolve mal-nutrisaun iha Timor-Leste.

“Programa ne’e atu reduz mal-nutrisaun no atu reduz pobreza iha Timor-Leste ne’ebé ho alvu ba inan isin rua, inklui bebe ho idade 0 to’o tinan 2 ho balun,” dehan nia iha reuniaun Komisaun Nasionál Servisu Tékniku ba Nutrisaun Timor-Leste (KONSANTIL) iha Palasiu da Cinzas, Kaikoli, tersa ohin (25/05).

Nune’e, programa sei implementa iha Munisipiu tolu hanesan, Ainaro, Bobonaro no Rejiaun Administrativu Espesial Oecusse Ambeno (RAEOA), ba tinan 2022 to’o 2024.

“Programa ne’e sei implementa uluk iha Rejiaun Administrativu Espesial Oecusse Ambeno (RAEOA), tanba tuir dadus MSSI tinan 2015 hatudu, populasaun ne’ebé mal-nutrisaun ho kiak numeru bo’o liu kompara ho munisipiu rua seluk hanesan, Bobonaro ho Ainaro,”nia informa.

 Rui hatutan, bainhira programa pilotu ne’e susesu ona iha Munispiu tolu, hafoin implementa ba munisipiu hotu, hodi halakon programa bolsa da mãe ne’ebé agora dadauk iha.

Tanba ne’e, tuir planu kada fulan inan isin rua sei hetan osan $15, bebe ne’ebé moris mai sei hetan $20, bebe ne’ebé moris ho kondisaun defisiensia sei aumenta $10 nune’e hamutuk $30.

Ho nune’e atu implementa programa ne’e, MSSI koopera ho Ministériu Saúde ho MAE atu haree ba sistema liga ho inan isin rua sira ba programa KONSANTIL.

 

Asistente Editor: Saturnina da Costa

Read 1107 times
Rate this item
(0 votes)