Diretór Jeral Protesaun Sosial MSSI, Florencio Pina Dias Gonzaga hatete, Ministeriu Solidariedade Sosial no Inklusaun (MSSI) liu husi Diresaun Jeral Protesaun Sosial informa programa bolsa da mae kondisional aloka orsamentu kuaze montante milaun $7.

"Ho orsamentu hirak ne'e , ita implementa ona hodi fasilita benefisariu sira fase dahuluk hamutuk ema na'in  4279 ho orsamentu montante milaun $4 no ita sei balansu purvolta  montante millaun $2 tal," Dehan Nia ba Jornalista INDEPENDENTE iha knaar fatin Kaikoli (03/09)

Depois Ministra Solidariedade Sosial no Inklusaun (MSSI)  Veronica das Dores halo deklarasaun fulan hirak b kotuk atu hahú halo pagamentu ba benefisariu sira fase dahuluk nia no pagamentu la'o kedas.

MSSI koopera ho Banku Nasional Komersiu Timor-Leste (BNCTL) halo pagamentu ona ba benefisariu  kuaze sira hotu hodi  simu ona sira nia direitu iha fase dahuluk.

Ministra Solidariedade Sosial no Inklusaun (MSSI) deside halo verifikasaun ba dadus ne'ebé indetifika dadus fase dahuluk maibé dukumentus balun la kompletu.

Nune'e dadus sira ne'e la elesivel depois la hetan pagamentu no MSSI fo orientasaun ba ekipa sira atu kontinua halo verifikasaun ba benefisariu sira ne'ebé seidauk iha dukumentus kompletu ne'e.

MSSI fo orientasaun katak hahú ona halo exersísiu ba rejistu foun ba benefisariu sira, tanbá ita nia osam balansu iha no halo buat rua hanesan re-verifikasaun ba dadus no sira aplai dukumentus balun la kompletu.

Sira la hetan kategoria  fase da-ruak nia depois fase  da-ruak nia ita  tenke halo rejistu foun, agora atu rejistu foun ba fase da-ruak nia no ita indetifika ona  hamutuk 19696 ema ne'ebé tau matan ba labarik sira.

Hanesan inan-aman ho ema ne'ebé tau matan ba labarik sira ne'e, ha'u apresenta tutor ba fase da-ruak nia no ita seidauk halo klasifikasaun klean  tanbá dadus mai hela.

Agora kada munisipiu sei update nafatin no sei hare'e klean iha fase tuir mai bainhira ba halo pagamentu fase da-ruak nia hodi hatene ona total labarik hirak no defisiensia hira tuir grau eskola ne'e.

Nune'e hatene tuir labarik sira eskola primaria hira no pre-sekundaria ho sekundaria hira depois halo pagamentu ba benefisariu sira iha fulan Outobru foin hatene dadus.

Pagamentu bolsa da mae kondisional ba benefisariu iha fase da-ruak nia iha fulan Outobru, MSSI indetifika ona tutor katak ema tau matan hamutuk 19696.

Tuir re-verifikasaun indetifika hotu ona to'o ohin sei update nafatin iha sistema, tanbá Munisipiu balun iha prosesu entaun seidauk verifika lolo'os no rejistu foun hira ho verifikasaun iha hira.

Iha fim Setembru bele informa katak husi dadus ba fase da-ruak re-verifikasaun ba lista ho dukumentus balun falla verifika ne'e hira no ida rejistu foun hamutuk hira.

Ba benefisariu sira ne'ebé simu ona iha tinan ida no ba benefisariu sira halo re-verifikasaun no rejistu foun tanbá dukumentus balun falla no verifika sira nia direitu hahú husi fulan Janeiru.

Agora benefisariu sira ne'ebé rejistu foun ne'e halo pagamentu ba sira rejista foun iha fulan Jullu ba leten no orsamentu nia balansu atu kobra ba fase da-ruak ne'e.

Tuir dadus kona-ba tutor hanesan inan-aman tau matan ba labarik sira  hamutuk rihun 19, maibé kulkula benefisariu hamutuk rihun 20 resin dala ruma uma kain labarik na'in rua to'o tolu.