Tanba ne’e mak hahú inisiu TL ukun aan, to’o ohin loron, postu saúde barak mak sei menus ho prezensa médiku sira nian hodi halo atendimentu ba pasiente.

Diretora Nasionál Rekursu Umanu iha Ministériu Saúde MS, Tomásia de Sousa, realsiona ho postu saúde barak ne’ebé sei preokupa ba rekursu humanu, liu-liu iha hotu ona, kada postu minimu iha rua sa’e ba tolu.

“ Ami rekoñese, tanba dadaun ne’e ita nia disponibilidade rekursu humanu ba iha área medisina nian, ita sei kiik la halimar.  Entaun, ida ne’e mak difikulta oinsá atu lori ita nia médiku sira ba iha ne’ebá,” nia hateten iha otel Timor, Segunda (20/12).

Ministériu saúde halo prestasaun kuidadu saúde to’o kedan iha postu liu ba aldeia, entaun MS tenke halo esforsu oinsá hodi bele fahe forsa traballu ne’ebé iha atu bele halo sira nia servisu.

Estandarizasaun rekursu humanu ba iha planu estratejia setor saúde versau II nu 30 ne’ebé hatur kona-ba normas rekursu humanu  atu hatur iha kada postu no sentru saúde ne’e iha hotu ona, entaun elaborasaun ne’e bazeia ba norma rekursu humanu ne’e.

Iha fatin hanesan, Diretora Nasionál Prestasaun Serbisu Saúde, Odete da Silva Viegas hateten, ema hotu bele hateten, profisional saúde kuaze rihun hitu resin, maibé husi númeru ne’e barak liu mak permanente barak mos kontratadu husi MS, barak mos kontratadu husi ajensia fundu global.

“Maibé ho númeru ne’ebé mak iha, ita nafatin haree katak, iha fatin balun sei menus rekursu, entau ho ezersisiu ida ne’e husi diresaun nasionál rekursu humanu bele fahe ona kada postu saúde ne’e tenkte tau pessoal hira, tuir area programatiku ka servisu ne’ebé mak iha,” nia dehan.

Ho ida ne’e, bainhira halo alokasaun orsamentu ne’e, tenke bazeia ona ba iha pessoal sira ne’ebé mak iha ona, ita labele hateten tan ona pessoal saúde latoo, staf laiha, entau hahú husi postu saúde mai to’o iha instituiaun automu sira, persija rekursu humanu, entaun haree de’it ona ba iha mapamentu pessoál.