Tuir, Ministra Saúde, odete Maria Freitas Belo, hatete, iha loron 7 abril 2022, Ministeriu Saúde kompleta ona tinan ida ba  lansamentu vasina Covid-19, iha munisipiu 13 inklui Rejiaun Administrativu Espesial Oecuse Ambeno (RAEOA).

Ho nune’e, nia esplika, iha munisipiu Dili, populasaun elejivel ne’ebé simu ona vasina doze doze daruak atinji pursentu 84,0 (84,0%).

Aleinde, ba munisipiu Vikeke, populasaun ne’ebé simu ona vasina doze daruak atinji pursentu 83,7 (83,7%), no Kovalima atinji pursentu 78,1 (78,1%) ba doze daruak nian.

"Apresiasaun ne'e hare tuir klasifikasaun, tuir atinjimentu vasina Munisipiu Dili mak ho pursentu ne'ebé bo’ot liu munisipiu seluk, tuir mai Vikeke no Kovalima,”dehan nia iha ambitu komemorasaun loron mundial saúde, iha Palasiu das Cinzas, Kaikoli, kinta ne’e (07/04).

Entretantu, Diretóra Servisu Saúde Munisipiu Dili, Agostinha Seguradu, hatete, apresiasaun ne'e laos ba ema ida nia servisu deit, maibé hamutuk ho estrutura tomak, ba apoiu parseiru sira nian, liu-liu autoridade lokal, instituisaun relevante no mós komunidade iha Kapital Dili.

"To’o ohin loron, populasaun ho idade 18-60 ba leten iha munisipiu Dili ne’ebé simu ona vasina primeira doze atinje 89,6% no ba segundu doze atinji 84,1%," dehan Agostinha.