“Bainhira imi halo tratamentu iha uma so ema ne'e isin manas hodi konsumu parasetamol ruma ne'e laiha problema, maibé bainhira mear no dada-is labele, labele trata iha uma tenke hakbesik ba Óspital hodi halo tratamentu,”dehan nia iha Palasio das Cinzas kaikoli, segunda ne’e (13/09).
Tanba ne’e, MS husu ba komunidade sira labele tauk ba konsulta iha Óspital, atu nune’e halakon moras ne’ebé iha tenki konsumu aimoruk liu husi tratamentu iha Óspital.
Entretantu, komunidade balun ne’ebé hetan moras maibé tauk atu ba halo tratamentu iha Óspital Nasional Guido Valadares (HNGV), tanba bainhira sira ba halo tratamentu, sira sei liu husi teste Swab. Ho ida ne’e, halo komunidade barak mak tauk.
“Ami moras mak atu ba konsulta maibé to’o iha ne’ebá mediku sira halo fali swab ba ami, ida ne’e ami senti tauk tanba ami la preparadu, se ami teste mak positivu ba fali Izolamentu,”dehan Maria Fernandes.
Asistente Editor: Saturnina da Costa
