Ministeriu Edukasaun Laiha Dadus EhD Tuir Ezame Nasional Featured

By Outubru 11, 2023 1279
Sekretáriu Estadu Ensinu Sekundariu Jerál no Tekníku Vokasional, Domingos Lemos Lopez. Foto: INDEPENDENTE. Sekretáriu Estadu Ensinu Sekundariu Jerál no Tekníku Vokasional, Domingos Lemos Lopez. Foto: INDEPENDENTE.

DILI: Sekretáriu Estadu Ensinu Sekundariu Jerál no Tekníku Vokasional, Domingos Lemos Lopez, hatete, Ministeriu Edukasaun laiha dadus kona ba ema ho defisiénsia na’in hirak mak tuir ezame nasional, ne’ebé sei realiza iha 16 fulan Outubru tinan ne’e.

“Ita nia Sistema ne’e, ita la halo nesesidade espesial ba ema ho defisiénsia sira, maibé iha eskola hotu-hotu sira kandidatu hanesan mós ita nia estudante sira seluk, hotu-hotu hanesan,”dehan nia iha Sala Konferensia ME, Vila-Verde, (11/10).

Nia dehan, tanba ne’e, Ministeriu Edukasaun laiha dadus espesifiku ida kona ba ema ho defisiénsia sira. Governante ne’e akresenta, husi númeru kandidatu finalist na’in 56.495 ne’e, inklui ona ho ema ho defisiénsia iha laran.

Entretantu, husi dadus ne’e, kompostu husi Ensinu báziku ho total hamutuk 29.100, Ensinu Sekundariu Jeral (ESJ) 23.256 no Ensinu Sekundáriu Tékniku Vokasionál (ESTV) hamutuk 4,142.

Ho nune’e, materia ba ezame nasional, sei distribui ba eskola sira iha munisipiu iha loron 13 fulan Outubru tinan ne’e no RAEOA distribui ona iha loron ohin (11/10).

Enkuantu, ba abertura ezame nasional, Sekretáriu Estadu akresenta, sei halo abertura iha RAEOA.

Rate this item
(0 votes)
Last modified on Kinta, 12 Outubru 2023 16:47
Saturnina da Costa

Jornalista Jornal Independente

https://independente.tl

Independente Digital TV

Tuir ami iha Twitter

Kalendariu Notisia

« April 2024 »
Mon Tue Wed Thu Fri Sat Sun
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30