Nia haktuir, Ministru Finansas, BCTL, KFFP hetan konvite husi Prezidente Repúblika atu update informasaun kona-ba fundu minarai, tanba durante ne'e Investiment Adviser Board (IAB) sira mak fó konsellu ba Ministériu Finansas atu toma desizaun ruma bainhira iha mudansa polítika, investimentu iha fundu minarai.
"Ita hotu hatene, agora dadauk ita nia merkadu finanseiru tun sa'e hela de'it, ne’e duini ita mós labele kontrolla, maibé espera katak apartir fulan Jullu ba oin ita bele hetan rezultadu ne'ebé di'ak liu tan. Iha fulan lima liu ba ne'e ita lakon purvolta billaun $1.9," dehan Rui Augusto Gomes ba jornslista sira hafoin remata enkontru ho Xefe Estadu iha Palasiu Prezidensiál, Bairu-Pite, foin lalais.
Maske nune’e, nia esplika, ne'e lá'os lakon realmente, tanba la fahe share sira, bainhira share mak lakon, entaun lakon ne'e entermus market to market, bainhira fahe surat tahan sira entaun lakon tanba nia folin ne'e negativu. Maibé, bainhira la faan, tanba ne'e mak fundu minarai nia kapitál akumuladu ne'e sei billaun $18 ne'e tuir MF, KKFP ho BCTL nia ánaliza relatóriu ne'ebé iha husi BCTL fim fulan Jullu.
Iha enkontru ne'e, Prezidente Repúblika, José Ramos Horta rekomenda oinsá atu utiliza osan hirak ne'e ho di'ak liu tan, nune’e bele benefisiáriu povu, liu-liu entermus nutrisaun saúde inan sira, eskola, klínika liu husi Orsamentu Jerál Estadu (OJE).
