Diretór Nasionál Assosiasaun Sosiál no Eskolár (DNASE), Joaquim Martins hateten, Eskola 23 ne’ebé mak atu hetan apoiu materiál emerjénsia ne’e tanbá durante ne’e hetan estragus husi dezastre naturais.

“Durante dezastre naturais ne’e ita seidauk fó apoiu materiál emerjénsia tanbá ita sei haruka ekipa sira tun bá halo verifikasaun oinsa atu fó apoiu. Ho Ida-ne’e mak ita halo ona verifikasaun no ita sei apoiu uluk materiál emerjénsia, nune’e bele hadi’a hodi fasilita estudante sira nia ensinu prossesu aprendizazen,” nia hateten iha MEJD, Kuarta (16/03).

Totál eskola ne’ebé mak durante ne’e hetan estragus husi dezastre naturais hahú husi tinan 2020 mai to’o 2022 ne’e hamutuk 68 eskola.

Husi númeru eskola ne’e balun apoiu ona no balun tama iha programa konstrusaun no hela 23 mak seidauk hetan apoiu.

Eskola sira ne’ebé mak durante ne’e MEJD apoiu ne’e uza Orsamentu tinan kotuk nian hamutuk $46.000, husi Orsamentu ne’e hodi hadi’a eskola hamutuk 32.

Antes ne’e Diretór Serbisu Edukasaun Munisipiu Baucau, Augusto Hornai Ximenes informa, durante dezastre naturais ne’ebé mak akontese, estraga eskola rua ho nia sala de aula neen.

“Foin daudaun dezastre naturais ne’e ita hetan estragueskola rua ho nia sala aula hamutuk 6 mak estragus total.Tanbá ne’e mak ita espera katak MEJD sei tau atensaun lalais atu nune’e bele apoiu ita nia estudante sira nia ensinu prossesu aprendizazen,” nia hateten.

Situasaun ne’e parte eskola mós informa ona ba MEJD no hein katak sei hetan apoiu emerjénsia iha tempu badak.