Mate Isin Xineza Iha Vera Crus Hein Prosesu Kremesaun Featured

By Saturnina da Costa Maiu 20, 2021 382
Sala Izolamentu Vera Crus. Foto: Independente. Sala Izolamentu Vera Crus. Foto: Independente.

DILI:Sidadaun Xineza mane ida ne’ebé positivu Covid-19 iha Izolamentu Vera Cruz, no hakotu ona iss iha loron 15 fulan-Maiu hein prosesu kremesaun.

Tuir Vise-Koordenadora Forsa-Tarefas ba Prevensaun no Mitigasaun Surtu Covid-19 iha Timor-Leste, Odete Maria Viegas hatete, matebian sei nafatin iha Izolamentu Vera Crus, tau hela iha konzelador mate nian no hein atu sunu.

Familia husi parte matebian Xineza ne’e husu atu sunu halo prosesu kremesaun ba matebian.

“Parte saúde laiha problema, agora ita hein hela ida ne’e, se prontu ona ita bele hasai matebian ba halo prosesu kremesaun ka sunu,”dehan nia ba Online INDEPENDENTE, iha Ministériu Finansas Aitarak-Laran Dili, (19/05).

Entretantu, matebian ne’e ho idade 58, durante hela iha Comoro, hafoin hetan moras ba halo tratementu iha Óspital Nasionál Guidu Valadares (HNGV) iha loron  11 fulan- Maiu, ho isin manas maka’as, hafoin diagnostikadu sindroma insufisiénsia respiratória aguda (SIRA), ka susar/difisil atu dada-iis no deteta SARS-CoV2 ho Cycle Threshold (CT) N gene 27,1, E gene 24,9.

Nune’e, hahú iha loron (11/05) kalan halo tratamentu iha fatin izolamentu Vera Cruz, no iha loron (15/05) loraik i’is-kotu, tranba fallansu respiratóriu (respiratoric failure) ho multiple organ failure.

 

Asistente Editor: Saturnina da Costa

Rate this item
(0 votes)
Last modified on Kinta, 20 Maiu 2021 14:41

Independente Digital TV