Tuir observasaun husi Online INDEPENDENTE iha terenu nota katak, mate isin Jape nian, traballador sira husi Timor Plaza nian.

Aleinde, iha mós Xefe Caza Sivil, Prezidente Repúblika nian.

Nune’e, mate isin hulan husi parade sira seguransa sivil PAX nian hodi transporta ba iha karru funerariu no akompaña husi Polisia Nasional Timor-Leste (PNTL) no mós familia sira.

Ho nune’e, mate isin Jape Kong Su lori kedas ba iha Timor Plaza.

Tuir orariu, iha tuku 11:00 familia no mós entidade sira sei lori mate isin ba haloot iha semiteriu Hera.

Tuir informasaun ne’ebé Online INDEPENDENTE hetan, serimonia funebre ne’e, sei partisipa mós husi Prezidente Repúblika no membru Governu, no emprezariu sira hotu.

Entretantu, na’in ba Timor Plaza “Avó Jape” hakotu ninia peregrinasaun iha mundu ho idade 97 iha loron 26 Setembru 2022, iha Austrália.

Matebian husi hela nia fen kaben Lai Min Ha, no mós oan sira mak hanesan tuir mai ne'e, Julia, Ian, Kenny, Alan, Wendy, Tony, Connie, Danny, no Pamela no nia bei oan sira, ne'ebé durante ne'e sira moris hamutuk iha tinan 78.

Husi ne'e, nia sei fila hikas ba hamutuk ho nia oan feto Vicki iha aman maromak nia kadunan.

Tan ne’e, familia sira sei la haluha nia aten berani, dedikasaun, no serbisu makaas ne'ebé nunka sente kole durante nia moris tomak.