MAPKOMS Asina Akordu ho Kompañia Global Citra Tama Harii Tore iha Munisipiu Tolu Featured

By Fevereiru 25, 2023 454
Ministru Asuntu Parlamentár no Komunikasaun Sosiál, Francisco Martins da Costa Pereira Jerónimo, asina akordu servisu ho Diretór kompañia Global Citra Tama cabang Timor-Leste hodi harii tore tolu (3) iha Munisipiu Lautem, Ainaro no Bobonaro. Foto:Media Gabineti MAPKOMS. Ministru Asuntu Parlamentár no Komunikasaun Sosiál, Francisco Martins da Costa Pereira Jerónimo, asina akordu servisu ho Diretór kompañia Global Citra Tama cabang Timor-Leste hodi harii tore tolu (3) iha Munisipiu Lautem, Ainaro no Bobonaro. Foto:Media Gabineti MAPKOMS.

DILI: Ministru Asuntu Parlamentár no Komunikasaun Sosiál, Francisco Martins da Costa Pereira Jerónimo, asina akordu servisu ho Diretór kompañia Global Citra Tama cabang Timor-Leste hodi harii tore tolu (3) iha Munisipiu Lautem, Ainaro no Bobonaro.

Ministru haktuir, asina akordu ne’e ba projetu boot ministériu ninian, iha relasaun ho hari tore tolu ne'ebé tenke hala’o iha tinan ida ne'e iha munisipiu mak hanesan Lautem, Ainaro no Bobonaro ho empreza husi Indonesia Global Citra Tama.

Tuir planu Primeiru Ministru mak sei ba hala’o lansamentu primeira pedra ne'ebé sei realiza iha Lautem.

“Projetu ne'e sei hahú iha fulan Marsu 2023, no durasaun tempu konstrusaun ba fulan 6, ho total orsamentu hamutuk um milhão resin. Tore tolu kontinua halo kobertura ba nivel municipal no munisipiu sira seluk ne'ebé seidauk hetan kobertura husi Televizaun Dijitál atu nune'e ba futuru atu hare Televizaun la depende ona ba parabola maibé uza antena televizaun deit,”dehan komunikadu ne’ebé Online INDEPENDENTE sita.

Entretantu, Diretór PT Global Cirta Tama Indonesia Edy Hartono Salim, sente kontente tebes tanba bele hasoru malu ho MAPKOMS no promete sei halo servisu hamutuk ba konfiansa ne'ebé fó ba sira nia kampaña atu hari tore Timor-Leste.

Rate this item
(0 votes)
Saturnina da Costa

Jornalista Jornal Independente

https://independente.tl

Independente Digital TV