Nia dehan, husi proposta 80 ne’e, bainhira Governu halo análiza ba finanseira no kriteriu sira no mós sirkuntasia sira seluk, hodi deside katak aprova deit sia (9).
Nune’e mós, ho pedidu ida husi komunidade sira iha suku antigu Bu'ubere, Postu Adiministrativu Kelikai, Munisipiu Baukau, ne’ebé husu atu kria suku foun, MAE la aprova no la publika iha jornal republika.
“Mandatu Oitavu governu só kria de'it suku foun sia (9), no proposta foun sira seluk hein governu foun mai mak halo analiza, no husu ba sira atu tau mós konsiderasaun ba pedidu sira ne'e,”dehan nia, hafoin remata reuniuan Konsellu Ministru ba dala ikus, iha Palasiu Governu, kuarta ne’e (07/06).
Nia haktuir, proposta seluk hamutuk 71 ne'ebé iha Ministeriu Administrasaun Estatal (MAE) ne’ebé presiza mós halo análiza ida hanesan, tanba pauza eleitoral ne'e sira labele halo buat ida, hein katak governu foun tuir bele toma konsiderasaun ba pedidu hirak ne'e.
Entretantu, molok ne’e, Porta Voz Manuela Belo hatete Liu husi konferensia imprensa katak, Ministru Administrasaun Estatal estuda no analiza sira nia proposta mak hahú iha loron 29 Maiu 2022.
Ekipa tekniku Ministeriu Administrasain Estatal halo ona levantamentu datoluk nu'udár estudu viabilidade ida lori hikas suku foun iha Bu'ubere, no liuhusi levantamentu dahuluk ne'e konsege prense dokumentu nesesariu sira ne'ebé nu'udar kriteria ba estabelesimentu suku foun iha Postu Ouelikai.
Ikus liu iba loron 6 marsu 2023 ekipa ne'ebé lidera husi Diretur jerál Dezenvolvimentu Rural, Ministeriu Administrasaun Estata Rozito Guteres ho ekipa ba halo estudu viabilidade ikus atu komnfirma kona-ba naran Suku Foun, fatin hari'i sede suku, nomós fatin harii postu polisia no postu Saude Hafoin estudu ne'e finaliza, iha loron 15 marsu 2023 Ministru Administrasaun Estatal konsege aprezenta proposta sira ne'e ba iha konsellu Ministru hodi halo apresiasaun.
Maibé iha loron 3 Maiu 2023 iha suku 10 de'it rekoñese. Desizaun ne'e sira sente la justu konsidera ministru MAE la foti desizaun tuir estudu viabilidade ne'ebé iha, hodi trata problema povu nian ho igual.
Iha prosesu levantamentu nia laran DJDR promesa buat barak sira tanbá juridikamente sira priense kompletu rekezitus reativasaun suku nian.
"Tanbá ne'e, ami konsidera desizaun husi Ministro Administrasaun Estatal ne'ebé rekoñese de'it suku 10 ne'e la justu, ho razaun tanbá desizaun ida-ne'e Ia hare'e ba rezultadu viabilidade ne'ebé iha, maibe hare'e de'it ba Misitro nia interese pesoál no grupu sira ne'ebé besik liu Ministru no hare'e de'it ba parte ne'ebë sai kolabaradór ho Ministro atu destroi Povu-nia dieitu Pübliku nu'udár sidadaun," katak porta Voz
Porta Voz haktuir, Juventude no inan-amam sira husi suku antigu Bu'ubere kondena maka'as Ministru MAE nia desizaun politika ne'ebé la rekoñese sira nia proposta reativasaun suku Bu'ubere ne'ebé istorilkamente lakon iha tinan 1942 tuir estudu viabilidade ne'ebé hala'o ona.
Nia dehan, komunidade Bu'ubere ne'ebé hela iha área izoladu hakarak husu ba Ministro Administrasaun Estatal Miguel de Carvalho responsabiliza ba nia desizaun ne'ebé mak la justu no prosesa fil-fali sira nia proposta suku iha govemasaun foun mai tuir prosesu normál no aprezenta ba Nunu Governu mai, tuir estudu viabilidade ne'ebé la'o tiha ona.
