Lei eleitoral, iha lei númeru 1/2009 loron 13 Janeiru terseiru alterasaun ba lei númeru 6/2008 tanba saida mak halo alterasaun ba lei ne'e, tanba halo alterasaun ba lei ne'e atu garante eleisaun parlamentár nian iha tempu, liuliu haree ba oinsá atu estabelese sentru sira.
"MAE inisia ona alterasaun ba lei eleisaun parlamentár nian, iha tempu badak ha'u sei submete ba iha Konsellu Ministru,” dehan Ministru Miguel, iha Delta Nova, Segunda (13/6).
Alterasaun halo ne'e atu garante lei ne'e iha armonia ho lei eleisaun prezidensiál ne'e primeiru. Segundu lei ne'e kontinua atu estabelese sentru votasaun paralelu ne'ebé atu garante populasaun ne'ebé husi munisípiu sira hela iha Dili bele vota de'it iha Dili, maibé ida ne'e sujeitu ba iha rejistu.
Nia afirma, iha proposta lei ne'e MAE sei hadi’a atu rejistu ne'e la presiza halo komplikadu, rejistu ne'e direita ba iha sede STAE iha Dili, depois sira rejistu naran sei sai iha Dili dala-ruma sira vota de'it iha Dili.
Alterasaun ida seluk mak relasaun ho funsionamentu sentru votasaun lei atuál dehan, lei sentru votasaun sira inisia funsaun iha oras tuku 07:00, mas agora sentru votasaun sira sei propoin atu iha de'it tuku 06:00, proposta alterasaun ida ne'e mak MAE introdús.
Nia hatutan, halo de'it sentru votasaun paralelu iha Munisípiu iha Dili, tanba populasaun barak liu mak atu mai iha Dili, haree katak tinan-tinan kuandu iha eleisaun ema barak liu mak viajen husi Dili ba fali iha munisípiu sira, entaun MAE estabelese sentru paralelu ne'e atu fasilita eleitór sira ne'ebé hela iha Kapital maibé iha loron eleisaun labele fila ba munisípiu sira.
Antes ne’e, Vise-Ministeriu Administrasaun Estatal (MAE), Lino Torezão de Jesus hatete, iha loron Sabadu 11 fulan Juñu tinan 2022 sei halo lansamentu ba resensimentu ba populasaun iha Munisípiu Ainaru, ne'ebé foin estabelese no postu administrativu foun rua ne'e preparasaun ba Eleisaun Parlamentar.
Nia haktuir, ministériu ba halo lansamentu tanba Munisípiu Ainaru no Postu Administrativu Lore, Munisípiu Lautein no Postu Hatulia B iha Ermera foin mak estabelese, tanba ne'e presiza resensiamentu foun.
