Sexta, 17 Setembru 2021 | Login
×

Erro

An error occured during data fetch from google.com: Error calling GET https://www.googleapis.com/analytics/v3/data/ga?ids=ga%3A138150919&start-date=2017-01-15&end-date=2021-09-15&metrics=ga%3Avisits&dimensions=ga%3Ayear&start-index=1&max-results=1000: (403) Quota exceeded for quota metric 'Queries' and limit 'Queries per day' of service 'analytics.googleapis.com' for consumer 'project_number:402577812915'.
Loja materia konstrusaun iha kapital Dili. Foto Jonio da Costa/INDEPENDENTE. Loja materia konstrusaun iha kapital Dili. Foto Jonio da Costa/INDEPENDENTE.

Loja Konstrusaun-Restaurante Iha Kapital Dili Hahú Loke Ona Featured

DILI:Hafoin taka fulan ida resin, hahú loron 8 fulan-Marsu 2021, atividade loja konstrusaun no restaurante sira iha kapital, tersa ohin (6/4), hahú loke fali ona.

Tuir observasaun online Independente iha kapital Dili hatudu katak, loja materia konstrusaun iha Hudi Laran, Fatuhada, Delta, nomos restaurante kiik sira, iha Kolmera, Fatuhada hahú hala’o ona sira nia atividade negosiu.

restaurante

Loja no restaurante na’in sira mós mantein kumpri regras serka sanitária, hanesan prepara bee, no sabaun hodi fase liman.

Atividade negosiu sira taka hotu iha fulan kotuk, relasiona ho pandemia Covid-19, ne’ebé hahú invade Timor-Leste ho kazu konfirmadu positivu na’in ida iha Munisipiu Covalima.

Maibé hafoin Timor-Leste enfrenta fali dezastre naturál anin no udan boot ne’ebé hamosu inundasaun durante loron rua (3-4/4), maka segunda horsehik (5/4), Konsellu Ministru liuhusi reuniaun extra-ordinaria deside autoriza loke fila fali atividade negosiu ne’e hodi normaliza ekonomia rai laran.

Molok ne’e, Ministru Prezidénsia Konsellu Ministru, Fidelis Magalhães hateten, razaun governu deside loja fa’an sasán kontrusaun ho “warung” no restaurante sira atu loke fila-fali, tanba komunidade barak nia uma hetan estragus husi dezastre naturais ne’ebé akontese iha loron 4 fulan-abríl foin lalais ne’e.

Tan ne’e, presiza reativa fali loja fa’an material konstrusaun ho “warung” sira, nune’e komunidade sira bele sosa material uma nian atu hadi’a sira-nia uma, inklui sosa ai-han ne’ebé manas hodi konsumu.

“Governu mós ohin halo desizaun ida katak, ba loja sira ne’ebé mak fa’an material ba konstrusaun sira (tokoh banggunan) sira bele loke fila-fali para bele fa’an sasán konstrusaun sira ba iha ita-nia komunidade, atu ita-nia populasaun bele sosa no bele hahú halo servisu iha sira-nia uma,”dehan Ministru.

“Hakarak apela ba hirak ne’ebé fa’an ai-han hanesan restaurante, “warung”, sira permitidu hela tuir regra atuál, maibé husu sira atu halo sira-nia servisu fali, para nune’e ita bele sosa ai-han manas husi sira mós bele fó ba iha ita-nia komunidade ne’ebé presiza”.

 

Jornalista: Saturnina da Costa

Editor: Jose Sarito Amaral

Read 342 times Last modified on Tersa, 06 Abril 2021 17:31
Rate this item
(0 votes)