×

Atenção

JUser: :_load: Não foi possível carregar usuário com ID: 430

JUser: :_load: Não foi possível carregar usuário com ID: 422

Lere Triste Governu Abandona Veteranu Featured

By Fevereiru 03, 2017 3390
Veteranus Timorense Veteranus Timorense

DILI: Xefe Estadu Maiór FALINTIL Forsa-Defeza Timor Leste (F-FDTL), Majór Jenerál Lere Anan Timur triste bainhira veteranu na’in 27 ne'ebé hetan reforma to’o oras ne’e governu la tau importánsia.

Jenerál Lere dehan, iha tinan 2015 governu halo reforma ba veteranu 27, bainhira reforma governu abandona no la tau prioridade ba veteranu sira.

“Ita hatene veteranu 27 ne'ebé sakrifika sira nia aan iha forsa armada no hodi halo gerrilla iha ai-laran 24 anus, bainhira remata estatutu la hatene sira nia paradeiru,” diskursu Lere iha Aniversáriu F-FDTL dala 16, iha Kuartél Jerál F-FDTL Fatuhada-Dili, horisehik.

Nia dehan, oras ne’e veteranu sira hetan ona reforma no hetan pensaun ne'ebé estadu fó ba sira, maibé ne’e la sufisiente ba sira ninia nesesidade.

Eis gerrilleiru ne’e hatutan, veteranu sira ne’e hetan reforma iha 2015 nia laran. Veteranu sira ne’e altura ne'ebá halo funu iha durante 24 fila mai envolve aan iha forsa armada to’o sira hetan reforma.

Tanba ne’e, nu’udar aman ba instituisaun nian triste, veteranu sira ne’e sei moris ho mizeria maibé ho pasiénsia moris ho kiak no mate ho ki’ak.

“Ha'u triste bainhira Governu abandona veteranu sira,” haktuir Lere.

Tanba ne’e ezije ba governu atu tau atensaun sériu ba veteranu sira, tanba sira maka sakrifika aan iha ai-laran halo funu hasoru inimigu. 

Rate this item
(0 votes)

Independente Digital TV